Asad

51 Comments »

The URI to TrackBack this entry is: http://asad.blogsome.com/2006/07/02/egyptianintifada/trackback/

1. ايه ده؟؟
   انا اول معلق
   طيب ياريت الموضوع ياخد حجمه الطبيعي
   انت عارف خطوة زي دي لازم لها حشد عشان تبقى فعالة وتسمع مع الصحافة والناس
   ياريت الدعوة توصل لقيادات كفاية والاخوان عشان هم الأقدر على حشد الجماهير
   انما احنا كمدونين مهتمين بالعمل العام عددنا قليل جدا لخطوة زي دي
   ياريت ناخد الموضوع بعقلانية ونرتب له صح
   حتى لو اضطرينا نأجل المعاد للجمعة اللي يعدها، بس المهم يبقى الحشد على قد الحدث
   دي سفارة اسرااااااائيييييييييييل

   Comment by واحد — July 2, 2006 @ 12:25 pm

2. انا شايف تكون يوم السبت علشان طلبة الجامعة يشاركوا فيها و اى حد يقدر ينزل من غير ما اهله يسألوه رايح فين و كده , و السبت اجازة دلوقتى لمعظم المصالح الحكومية فمش هنعطل مصالح ناس كتير
   وياريت المدونين يحطوا اعلان عن الموضوع فى مدونتهم و انا هاعمل كده

   Comment by ba7ebmasr — July 2, 2006 @ 2:56 pm

3. قمت بنشر الدعوة على مدونتي
   http://asfoorelsharq.blogspot.com/

   Comment by alzaher — July 2, 2006 @ 3:08 pm

4. والله يا إخوانا , واضح إن البداية ليست بالقوة المتوقعة , مش عارف ليه ؟

   على الأقل ممكن الناس تدخل تعارض أو ترفض إنما الصمت الرهيب ده مينفعش .ـ

   عموماً أعتقد لسة في كمية أمل كبيرة ممكن نشتغل عليها , في بداية من البدايات , يوم إعلان نتيجة انتخابات الرئاسة , كنا أربعة في ميدان طلعت حرب , خلال ساعتين كنا عشر آلاف !ـ

   أنا لسة عندي أمل في حصول حاجة زي كدة , الموضوع هيستمر زي ما هو ماشي لمدة 24 ساعة كمان , يعني بعد منتصف ليل الاثنين لازم المعاد يتأجل لو الموضوع لم ينتشر بالشكل اللازم .ـ

   بشكر الزملاء اللي حطوا الدعوة في مدوناتهم , بجد ده أسعدني جداً حتى لو موصلناش لحاجة في النهاية .ـ

   لسة قدامنا وقت وياريت باقي الزملاء المدونين يعملوا حاجة ويقفوا وقفة رجالة .ـ

   هحاول أكلم ابائنا الذين في قيادة كفاية والإخوان وربنا يقدم اللي فيه الخير .ـ

   سؤال : ـ هل هناك طلبة يذهبون لجامعة القاهرة الآن , مش المفروض إن الامتحانات خلصت ؟

   Comment by asad — July 2, 2006 @ 9:01 pm

5. أنا كمان هنشره عندي في البلوج لعل وعسى

   Comment by GHADATELKAMILIA — July 2, 2006 @ 10:45 pm

6. ضرووووووووووري جدا ان الاخوان وكفاية يتبنوا الموضوع ده وإلا هيفشل
   مش عشان احنا صغيرين ولا كتاكيت
   بس عشان هم الأقدر على الحشد الاعلامي والجماهيري
   وانا معاك فعلا في ان الموضوع ميت خلاص
   فين علاء ومالك وعمرو عزت وبقية الناس؟؟؟
   عرفوا عن الموضوع ولا لسة؟؟

   Comment by واحد — July 2, 2006 @ 11:21 pm

7. فعلا لحد دلوقتي مفيش زخم كافي بس
   الموضوع لسة ما مكملش 18 ساعة يا جماعة , يا ريت نصبر شوية قبل ما نصدر أحكام ممكن تحبط الناس.

   ويا ريت اللي يعرف حد يقوله , واللي ليه سكة في حزب ولا حركة يكلمهم بحيث نحاصر الناس الميتة إكلينكياً دول ونصحيهم شوية .ـ

   Comment by asad — July 2, 2006 @ 11:25 pm

8. انا قمت بنشر الدعوه عندي
   واللينك الخاص بيها هنا
   وان شاء الله هنحي يوم الاعتصاممن جديد

   Comment by الحالمه بالحريه — July 2, 2006 @ 11:26 pm

9. انا نشرت الموضوع عندي واللينك الخاص بيه هنا
   وان شاء الله هتنجح ونحي روح يوم الاعتصام

   Comment by الحالمه بالحريه — July 2, 2006 @ 11:30 pm

10. أشكر جميع الزملاء الذين أظهروا دعمهم .ـ

    بعد نشر الدعوة على الصفحة الرئيسية لمنال وعلاء , أتصور أن الأمر قد بدأ يأخذ مجراه الطبيعي , وسنتمكن – بإذن الله – من تنفيذ المهمة في موعدها المقترح يوم الجمعة .ـ

    Comment by asad — July 3, 2006 @ 12:00 am

11. ;gkg

    Comment by da7ey — July 3, 2006 @ 12:08 am

12. كلنا نقول يارب كده وربنا يوفقنا جميعاً واللي يقدر ينشر اللينك ينشره وانا عن نفسي نشرته في مجلتي www.afkary.15x.com

    Comment by da7ey — July 3, 2006 @ 12:09 am

13. انا معاكم وهأجل سفرى ,ان شاء الله هاصلى فى مسجد صلاح الدين امام كوبرى الجامعة وهفضل موجود فى شارع حديقة الحيوان اكيد الشارع هيبقى متلغم عساكر بس مش مهم
    الى اللقاء فى يوم العزة والشرف الحمعة القادم ان شاء الله

    Comment by محمد السيد — July 3, 2006 @ 6:58 am

14. اريد ان اشكر منظم الحملة ،واود ان اشارك فيها

    Comment by وليد نصر الدين — July 3, 2006 @ 7:37 am

15. ana ma3ako begad

    Comment by taghor — July 3, 2006 @ 8:01 am

16. عاوزين أحمد فؤاد نجم وكمال خليل وعاوزين نغنى اغنية الشيخ امام أصحى يامصر
    اصحي يا مصر

    اصحى يا مصر
    اصحى يا مصر
    هزى هلالك
    هاتى النصر
    كونى يا مصر وعيشي يا مصر
    مدي اديكى
    وطولى العصر
    اصحي وكوني وعيشي يا مصر

    اصحى يا عامل مصر يا مجدع
    وافهم دورك
    ف الوردية
    مهما بتتعب
    مهما بتصنع
    تعبك رايح
    للحراميه
    جهدك عملك
    رزق عبالك
    عرقك مرقك
    ولا يهنا لك
    اصحى يا عا مل
    غير حالك
    صون المصنع
    واصنع مصر
    اصحى وكونى وعيشي يا مصر

    اصحى يا زارع مصر الخضره
    قدره وخضره
    ونور وجمال
    ابدر غيطك
    واحمى البدره
    ضد الافه
    والاستغلال
    ارضك عرضك
    باب الدار
    صبحوا مداسه
    للسمسار
    نعطش
    ولانشربش عكار
    وصفه قالوها الحكما يامصر
    اصحى وكونى وعيشي يا مصر

    واصحى يا جندى
    يا تار الشهدا
    عمى وخالك
    اختى واخوك
    لجل ما تهدا وتارك يهدا
    فرغ نارك ف اللى خانوك
    يابن الشعب يا حامي الشعب
    انت املنا فى يوم الصعب
    اصحى يا جندى ودق الكعب
    حرر مصر وطهر مصر
    اصحى وكوني وعيشي يا مصر

    Comment by محمد السيد — July 3, 2006 @ 8:34 am

17. انا هانشر الدعوة عندى فى المدونة و أن كان ليا موقف من التظاهر ضد الدول فى دولتنا
    و اطمنوا مش هايحصل حاجة من الامن لان الحكومة عايزة تظهر بمظهر
    الحارس الامين للوطن العربى و التظاهر دة هايدعم الموقف دة جدا
    و الا ما كانش شخصية زى محمود سعد دعى للتظاهر ضد اسرائيل
    على العموم انا هانشر الدعوة و هاحضر التظاهر لاثبات شىء ما فى داخلى

    Comment by GEMYHOoOD — July 3, 2006 @ 9:28 am

18. بعض الزملاء بيسألوا عن ما سنكتبه في اللوحات وما سنرفعه من شعارات , وما إذا كنا سنهتف لحماس أو لفلسطين فقط ؟

    أنا شايف إن من المستحيل قولبة مظاهرة زي دي , كل واحد جاي وعنده منطلق معين ,

    إذا حاولنا دلوقتي نحكم العملية مش هنحل المشكلة ,

    في كل الأحوال حد هيخرج عن الاتفاق وتحصل خناقة معاه , لذلك الأفضل من وجهة نظري ميكونش فيه اتفاق من أصله .
    ده طبعاً لأن المشاركين مبيعبروش عن حزب أو حركة أو جماعة حتى نلزمهم بنمط معين .

    احنا رايحين نتظاهر لفلسطين , اللي عايز يهتف بأي شكل أو يرفع أي حاجة يتفضل , واللي مش عاجبه يمتنع عن التفاعل
    ونحترم بعض في النهاية , ونحاول بقدر الإمكان نيجي على نفسنا ونستخدم خطاب يرضي جميع الأطراف .ـ

    Comment by asad — July 3, 2006 @ 4:21 pm

19. فكره حلوه بجد بس ياريت يبقى فيه كود لصورة الحمله عشان نحطه فى المدونه بدل مانعمله كاموضوع ولو هو موجود فعلا ياريت تحدده مكانه

    Comment by gananoor — July 3, 2006 @ 4:49 pm

20. انا كمان مشارك معاكم فى هذة الوقفة الاحتجاجية وقد وضعت البانر بمدونتى وشكرا لكم

    Comment by شاب اسكندرانى — July 3, 2006 @ 6:53 pm

21. نشرت الموضوع يا اسد خلاص
    وانا جايه باذن الله

    Comment by shaimaa — July 3, 2006 @ 8:05 pm

22. بحييك يا اسد انت واللي معاك
    وانا نشرت البانر بتاعك في البلوج بتاعي (الفارس المصري(http://egyknight.blogspot.com/

    Comment by الفارس المصري — July 3, 2006 @ 10:40 pm

23. هي كفاية لسة معرفتش؟؟؟
    مش شايف اي اعلان عن الموضوع على موقعهم
    ايه العمل؟
    احنا عددنا لسة قليل

    Comment by واحد — July 4, 2006 @ 12:10 am

24. انا جاااااااااااااااااااااااااااااااااااااااااااااااااااى

    Comment by hamdy — July 4, 2006 @ 12:44 am

25. لاسد
    انت مستعد تهتف فى مظاهرة مرفوع فيها “لا اله الا الله اليهود اعداء الله” ؟ مش لازم يبقى فى اتفاق كامل على الشعارات بس يبقى واضح ايه الاساس اللى الناس هتروح عليه

    Comment by Anonymous — July 4, 2006 @ 2:18 am

26. أفضل أحتفظ باستعدادي من عدمه لنفسي عشان بحاول أبقى على الحياد على الأقل لحد ما الموضوع يخلص .ـ
    من خلال تجارب مظاهرات كتير , مستحيل يحصل التزام بأي قواعد مسبقة , أبسط حاجة
    مواطن صالح هيتفاعل معاك في الشارع ويدخل علخط.ـ

    علشان كدة في خيارين , لو قلنا دلوقتي محدش يقول الهتاف الفلاني,
    هييجي واحد ويقوله , وهتكون سيادتك أو حد غيرك عارف إن ده ممنوع فهتسكته وهيتخانق معاك .

    الخيار التاني إننا ما نحطش أي قواعد مكتوبة , وهييجي حد يقول هتاف مش عاجبك فمش هتهتف وراه وخلاص أحسن ما تحصل خناقة !ـ

    Comment by asad — July 4, 2006 @ 2:59 am

27. يا أهل الخير ياريت يكون التخطيط صح
    وفد من الناس يروح للإخوان ويتفق معاهم إنهم يحشدوا ووفد يروح لكفايه
    وعلي العموم أنا هقول لعمنا عبد القدوس النهارده هوه وعم كمال خليل
    وهقول في مؤتمر كفايه عن الموضوع ده
    وبعدين فيه دلوقتي تجمع إسمه “تجمع القوي الوطنيه من أجل فلسطين ” ياريت حد يحاول يتصل بيه
    وعلي العموم أنا وضعت البانر عند وهبعت رسائل للناس اليوم وهشوف بعض من المسؤولين عن طلاب الإخوان في جامعه القاهره وعين شمس اليوم وراح أقولهم
    سلام

    Comment by ميت — July 4, 2006 @ 8:23 am

28. لا بد ايضا من وقفات في جميع محافظات مصر

    وليس القاهرة فقط

    Comment by ahmed hussein — July 4, 2006 @ 9:14 am

29. أنا جاى ان شاء الله .. على العموم مش مهم أوى عدد اللى هايشاركوا .. أنا بادور على أستمرارية.. بمعنى أن كل أول جمعة من كل شهر – ع الأقل – يبقى فيه وقفة أحتجاجية أمام سفارة الصهاينه .. بس أنتوا تيجوا بس

    Comment by باسم عبد الحليم — July 4, 2006 @ 3:12 pm

30. أنا جاى ان شاء الله .. على العموم مش مهم أوى عدد اللى هايشاركوا .. أنا بادور على أستمرارية.. بمعنى أن كل أول جمعة من كل شهر – ع الأقل – يبقى فيه وقفة أحتجاجية أمام سفارة الصهاينه .. بس أنتوا تيجوا بس

    Comment by باسم عبد الحليم — July 4, 2006 @ 3:21 pm

31. نؤكد للزميل العزيز وائل عباس صاحب مدونة الوعي المصري والمتحدث الرسمي باسم المدونين , أن أحداً لم يدع مشاركة مدونته في التنظيم حتى ينفي ذلك .ـ

    محدش جاب سيرتك يا عم وائل .ـ

    Comment by asad — July 4, 2006 @ 4:40 pm

32. معكم إن شاء الله ، وتم نشر الموضوع على مدونتى

    Comment by م. محمد إلهامى — July 4, 2006 @ 10:52 pm

33. تم نشره في مجتمع المدونين المصريين
    http://www.egyblogs.com

    Comment by محمد حبيب — July 4, 2006 @ 11:50 pm

34. أشكركم جميعاً , تمت إضافة جميع المدونات التي نجحت في ملاحظتها
    إلى قائمة المدونات المشاركة, أرجو ممن يضيف الدعوة ألا يبخل علينا بإشارة هنا .ـ

    Comment by asad — July 5, 2006 @ 12:24 am

35. ya gama3a lazem nero7 ento shofto el bent elly 3eltah matet ...lazem ne3mel 7aga we a3taked en el7okoma mesh hatedrab el marra dy

    Comment by youssef — July 5, 2006 @ 3:39 pm

36. ربنا يكرمكم ان شاء الله و يعزكم وان شاء الله تكون لهذه المسيره نتيجه , انا حاليا بنشر هذه الفكره فى المنتديات و علينا كلنا ان نصلى ركعتين لله يوميا بنية ان يوفقنا الله

    Comment by Anonymous — July 5, 2006 @ 10:15 pm

37. سلاما وتحية لكم جميعا...مش قادرة اوصف لكم سعادتى بهذه الدعوة وبهذا الحوار، حأحاول أكون معكم لكن مش قادرة اوعد الحقيقة، سامحونى. وياريت متحسبوهاش بانكم صغيرين فى السن او فى العدد، لان الأهم انتوا قد ايه مؤمنين باللى بتعملوه، وأد ايه مؤمنين بنفسكم وقدراتكم، حتى لو كان من باب التجربة وتتعلموا منها..مش عيب ومش غلط..جربوا واغلطوا واتعلموا من ده، كل الاجيال اللى سبقتكم علموا كده، واوعوا تستنوا حد كبير ياخد بأيدكم...متسمعوش كلام الكبار...لو كانوا عارفين يحسبوها صح مكنش ده يبقى حالنا.
    وعلى العموم فيه اجتماع لكل القوى الوطنية من اجل فلسطين يوم الخميس الجاى فى مقر كفاية او مركزمصرللدراسات الساعة 7 مساءا روحوا احضروا واطرحوا الفكرة عليهم وناقشوها معهم، وفى الاخر انتوا اصحاب الدعوة والقرار.
    ربنا يخليكم لنا ويزيدكم ثبات وايمان

    Comment by ندى القصاص — July 6, 2006 @ 1:15 am

38. 

    أنا فرحت قوي يا أستاذة أول ما شفت اسمك , وفرحت أكتر لما قريت كلامك , بجد دي حاجة أسعدتني جداً , وانتي فعلاً معانا حتى لو ما جيتيش .ـ

    Comment by asad — July 6, 2006 @ 2:27 am

39. يا ريت حد من الزملا يتبرع ويروح مقر كفاية في شارع 26 يوليو ويكلم الناس , لأني مش في القاهرة النهاردة .ـ

    Comment by asad — July 6, 2006 @ 4:18 am

40. انا هأروح اجتماع كفاية باذن الله واطرح الموضوع بالاضافة الى ان ارسلت رسالة بالموضوع الى أ.جورج اسحق بس الخوف كله من انهم يرفضوا الفكرة

    Comment by alzaher — July 6, 2006 @ 1:06 pm

41. ياريت اي حد يعرف نتيجة الاجتماع يقولنا على طول
    يارب الموضوع ينجح

    Comment by واحد — July 6, 2006 @ 3:20 pm

42. جدع يا زاهر

    يا ريت تقولنا وصلت معاهم لإيه

    واطمن مفيش خوف ولا حاجة حتى لو رفضوا

    المتوقع إنهم يرفضوا احنا بس بنعمل اللي علينا ولو شدينا حيلنا هننجح بيهم ومن غيرهم

    Comment by asad — July 6, 2006 @ 5:20 pm

43. أخبرني الأستاذ جورج اسحاق قبل قليل بأن الأمر قد عُرض عليهم في الاجتماع وأن الحركة لا تمانع و لا تتبنى الموضوع رسميا و تترك الأمر لخيار الأعضاء الشخصي .

    كما رحب بوضع تنويه عن المظاهرة على موقع الحركة .ـ

    أن تصل متأخراً خير من ألا تصل أبداً.ـ

    Comment by asad — July 6, 2006 @ 8:16 pm

44. الموضوع تمت اضافته لموقع كفايه الرسمي
    http://harakamasria.org/node/6618

    Comment by MaLek — July 6, 2006 @ 8:24 pm

45. أنا مش شايف الإعلان على الرئيسية يا مالك , إنت مخبيه ولا إيه ؟

    Comment by asad — July 6, 2006 @ 8:41 pm

46. أيوة كدة , دلوقتي تمام .ـ

    Comment by asad — July 6, 2006 @ 9:48 pm

47. انا روحت ملقتش ولا مخلوق
    مكانش في غيري انا وزميلة ليا والدكتورة ليلي سويف و واحدة صاحبتها
    مشوفناش حد تاني خااااااااااااااااااالص
    فضلنا لحد 3 وتلت تقريبا...وبعد كده دكتورة ليلي قالت لنا خلاص امشوا ..فمشينا
    فين الناس بقى!!
    الموضوع مترتبش صح...وكان لازم نستنى لجمعة تانية عشان نرتب له...اللي حصل ده مهزلة بصراحة

    Comment by محرز — July 7, 2006 @ 2:42 pm

48. ربنا يوفقك يا أسعد، أو أسد، على مبادراتك ودعواتك .. وكمان على مدونتك وصورها الجميلة الحزينة.. طول ما فيه أمثالك يبقى مصر بخير.

    Comment by صبري — July 7, 2006 @ 3:06 pm

49. الأخ أسد أنا لست المتحدث الرسمي بإسم المدونين ولم أدعو لشيء بإسم المدونين كما فعلت أنت ولكن أنا فقط قلت رأيي وتحدثت بإسم موقع الوعي المصري وبينت وجهة نظره وموقفه وأعتقد إن ده ما يزعلش حد ولا يخلي حد يتريق والمدونين مافيهمش متحدث رسمي ولا متحدث إعلامي ولا منسق ولا بطيخ ولو حد زعم ذلك أنا أول واحد أحط صباعي في عينيه

    Comment by وائل عباس — July 8, 2006 @ 6:41 pm

50. أهلا بالزميل وائل عباس

    بص ياباشا
    أنا متكلمتش خالص باسم المدونين , ومقلتش إن دي مظاهرة ” المدونين المصريين” ـ

    ده إكليشيه جاهز بيستخدم لما الدعوة تبدأ من النت , زي ما حصل في اعتصام التحرير مثلا

    حضرتك طبعاً من حقك توضح موقفك وتعلن رأيك في المظاهرة اللي فشلت , بس إنت استخدمت صيغة ” الوعي المصري ليس لها علاقة بالمظاهرة ” وده يوحي بإن حد إدعى إن الوعي المصري مشاركة فانت بتنفي

    حقك عليا إذا كان موضوع المتحدث الرسمي زعلك , أنا شخصياً مستعد أرشحك للمنصب ده لو عملنا انتخابات في يوم من الأيام!ـ

    Comment by asad — July 9, 2006 @ 12:29 am

51. waperwich dobrij denj karapu3eki jakakwsegdadumalpo4erikajus4ernatischemska3bekamilewimikakanitamschaschkidosechporsebwnasdrapjanischetrmbutusolawa

    Comment by Anonymous — April 9, 2007 @ 8:34 pm

RSS feed for comments on this post.

Leave a comment

Line and paragraph breaks automatic, e-mail address never displayed, HTML allowed: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>