! فشلنا
July 7, 2006اكتب على حيط الزنزانة . . حسني مبارك عار وخيانة
للأسف الشديد ولمخاطر أمنية جدية وحقيقية لن أستطيع ذكر تفاصيل أي شيء مما جرى معي عند السفارة الصهيونية , كل ما أستطيع قوله وبضمير مرتاح هو أنني عملت اللي علياّ و أكثر قليلاً , وأستأذنكم في عدم الإفصاح أكثر .ـ
الآلاف من قوات الأمن المركزي و عناصر أمن الدولة حاصروا الميدان , منعوا تواجد أي شخص بالقرب من تمثال نهضة مصر , احتاج الأمر إلى معجزة ظهور مائتي متظاهر فجأة في الموقع ليفرضوا وجود حالة تظاهر في المكان , أرجو أن تزودوني بتجاربكم , أريد أن أعرف هل ذهب كل من وعدوا بالذهاب ولم ينجحوا أم أنهم لم يذهبوا أصلاً وآثروا السلامة ؟!ـ
لم أكن أحب أن أبدأ مدونتي الجديدة بفشل كهذا , لكن الأمر ليس بيدي , بذلت جهدي وقمت بأقصى ما استطعت القيام به , وفي النهاية هي تجربة أعتقد أننا سنستفيد منها جميعاً , عزائي الوحيد أن حجم التواجد الأمني المكثف وحالة الاستنفار عند عسكر مبارك كانت كفيلة بإجهاض أي محاولة حتى لو كان الحاضرون بالمئات .ـ
مع ذلك نجحنا في فرض أنفسنا وإن بشكل غير مباشر , حبسنا الصهاينة في جحرهم القبيح القذر , وأوقفنا مئات من كلاب مبارك - ضباطاً فقط - تحت الشمس الحارقة لساعات .ـ
سأبقى أعتز بما حدث رغم عدم تمكننا من إتمامه , أشكر كل من شاركوا وكل من دعموا وكل من تمنوا النجاح لهذه الدعوة , آملاً ألاّ أخذلكم في مرات قادمة .ـ
تصادف انتقالي إلى " بلوجْسَم" مع إطلاقي لهذه الدعوة , لكن هذه الصفحة هي مدونتي التي سأظل أكتب فيها ما وجدت داعياً إلى الكتابة .ـ
انا كنت هناك الساعة الثالثة ، و ماكنش في ولا واحد واقف عند التمثال؟ اخر ما زهقت رحت مكتبة مبارك.. فين بقي 200 واحد دول؟؟؟؟
Comment by ahmedsaad — July 7, 2006 @ 4:59 pm
تقريباً حضرتك ما قريتش كويس أو أنا ما كتبتش كويس , بقول إنه عشان حد يقف عند التمثال في ظل الوضع الأمني الموجود كان لازم تحصل معجزة ظهور ميتين واحد بشكل مفاجيء , وده ماحصلش طبعاً , وفعلا زي ما انت قلت مكانش فيه حد واقف عند التمثال
Comment by asad — July 7, 2006 @ 5:12 pm
حصل خير.. يا ريت محدش يكون اتعرض لمضايقات مبالغة من الامن
Comment by ahmedsaad — July 7, 2006 @ 6:25 pm
انا رحت 2.45 وفضلت مستني حد بس بصراحه خوفت اني اقف عند التمثال لان الامن كان كتير اوي حواليها وخصوصا بعد ما شفت واحد حاول وشالوه
Comment by المهدي — July 7, 2006 @ 7:27 pm
انا مشيت الساعه 3.15 لما لقيت مفيش فايده
ورجعت بخفي حنين
لكن فعلا احنا لو واقفناههم كده علي طول وخلناهم مش عارفيين يستريحوا ده لوحده نجاح
يعني منخلهمش يشوفول لحظه راحه أبناء القرده والخنازير
Comment by المهدي — July 7, 2006 @ 7:44 pm
السلام عليكم
قالت لي محدش ظهر خالص، قلت لها فين علاء؟؟
قالت لي مستني مني تليفون عشان يجي لو في حاجة
اولا يا أسد أنا اللي كنت بعلق في البوست اللي فات باسم “واحد” ومرضتش اكتب باسمي غير في الاخر خالص لحد ما اعرف اخرة الموضوع ايه
بالنسبة لي انا وصلت هناك 3 بالضبط لأني ساكن بعيد عن المكان وعلى ما خلصت الجمعة وجيت وصلت 3 بالطبط
في زميلة ليا اول مرة تشارك في مظاهرة وكانت جاية متحمسة جدا وصلت على 3 إلا تلت، وقفت عند بوابة حديقة الحيوان ومشافتش حد عند التمثال، بس في ضابط في لبس مدني جه قالها انتي واقفة هنا ليه؟؟ قالت له مستنية واحدة صاحبتي عشان هندخل الجنينة، قالها استنيها جوة، بس هي فضلت واقفة
انا لما وصلت 3 قابلت زميلتي دي وكان معاها الدكتورة ليلى سويف والدة علاء وصديقة لها
انا سألتها فين الناس؟
المهم فضلنا مستنيين لحد 3 وتلت، ومكانش في غيرنا احنا الاربعة وكنا واقفين عند بوابة حديقة الحيوان، في الاخر صديقة الدكتورة ليلى قالت لنا خلاص امشوا الموضوع شكله مفييش والوقفة على الفاضي متستاهلش
فقمنا مشينا بالراحة انا وزميلتي وكان في اتنين اغبياء من الأمن لابسين مدني وماشيين ورانا، بس احنا فضلنا ماشيين لحد جامعة القاهرة وركبنا من هناك
هي روحت، وانا روحت مكتبة مبارك
اهو الواحد يبقى عمل حاجة مفيدة في المشوار ده
على فكرة انا لما وصلت نزلت قدام التمثال بالظبطـ يعني خليت التاكسي ينزلني عند التمثال بالظبط على اساس اني هنزل والاقي الناس واقفة فاقدر ادخل اشارك على طول، بس ملقتش حد والامن كان كتير بغباااااااااااااااء
يلا حصل خير
وبالمناسبة بقى...النهاردة عيد ميلادي العشرين
كانت فسحة لذيذة في عز الضهر، أعتقد انه احتفال لن ينسى
وأخيرا
تسفط كفاية والاخوان وسلم لي على مؤتمرات جامع الأزهر ومحمد حبيب والناس الكلمنجية
Comment by محرز — July 7, 2006 @ 8:01 pm
معلش يا حماعه خيرها في غيرها انا مرحتش عشان مدينتي تبعدعن القاهره 3ساعات
يا ريت لا تياسوا
Comment by nada — July 7, 2006 @ 9:05 pm
I wish we can make a difference,for myself i work hard, i try to benefit everyone beside me, try at my home, at my neigbour, i try so hard to break this prison they made us live within, we have all to fight anyway we can… i wish i can be with u someday…but i can’t lie, i can’t join, i am afraid they track my family…or my babygirl.. e7sas wesekh … to feel i can’t be simply there…allah yel3an abu mubarak 3ala el yum el gah feeh…
Comment by wa7ed by7eb masr — July 7, 2006 @ 9:33 pm
الفشل هو اولي خطوات النجلح يمكن المره دي لمنحقق الاحنا عايزينه علي الوجه الاكمل
لكن اتحقق شئ مهم جدا وهوالرعب مع ان المظاهره كانت سلميه لكن ما احنا عارفين اي اقتراب منالارض المقدسه معنا ه اقامة الحد
انا مش شايفه ان التواجد الامني يدل علي الفشل بالعكس
Comment by الحالمه بالحريه — July 7, 2006 @ 10:06 pm
على رأيك
وانا نازل من التاكسي وشايف الأمن كتيييييييير
حسيت بفخر
!
بقى كل دول واقفين عشانا احنا؟؟
اي نعم هو شعور طفولي وعابث..بس كان لذيذ..ههههههه
اما تحس انك مهم والأمن عملك اهتمام وجايب مصفحات وعربيات و شوية لابسين مدني وشوية لابسين ميري
و وأنا ماشي كان في اتنين متخلفين ومفضوحين ماشيين ورايا بعد ما سبت دكتورة ليلى
بجد حسيت ان احنا مهمين أوي
ههههههههههههههه
Comment by محرز — July 7, 2006 @ 10:34 pm
بس فغلا انا انهارده اتاكد ان الشرطه غلابه وطيبين لما شوفتهم واقفين في الشمس
وأتاكد ان كلامي كان صح لما قلت
الصراحه راحه يا ريس وانت مبتعرفش.....الصراحه راحه يا ريس وانت مبتقدرش
Comment by المهدي — July 8, 2006 @ 2:26 am
يا جماعة أنا ماكونتش أعرف الموضوع علشان كدة ماجيتش
بس ياريت كلنا نشتغل من دلوقتى فى الحدث التاريخى اللى جاى علشان مصر كلها تشارك
الإنتفاضة الشعبية المصرية
فى 23 يوليو 2006
( ثورة حتى النصر )
القاهرة ” ميدان التحرير ”
الأسكندرية ” ميدان الرمل ”
وكل شوارع مصر
ساعة الصفر: الخامسة عصرا
ساهم فى نشر الدعوة
Comment by فارس الشمس — July 8, 2006 @ 5:03 am
بص يا عم اسد انت و كل واحد دكر هاتيجى تقول انا كنت هناك و مالقيتش حد و مش عارف ايه
لا يا عم الحلو ماكنش فى حد خالص يا جماعة و كل اللى جم انا مصورهم واحد واحد
و مصور الاحداث اللى حصلت بالتفصل و كنا هانروح فى ستين داهيه لاننا فضلنا واقفين و عاملين عبط انا وواحد صاحبى وسط الظباط و # بتاع الامن دة كله
مدام ليلى و مدام منى يا كفرة كانوا واقفين لوحديهم فى عز الشمس و كل واحد فيكوا قاعدلى فى # التكييف و عاملى فيها مناضل مش قد مبادرات ما تعملوهاش
و على علشان تشهرلى بلوج انت عاملة جديد تعملى مبادرة و تبعت الناس كلها
بصراحة اول مرة اشتم فى بلوج بس بالامانة انت عايزلك اتنين كيلو شخر
على تشكيلة ## من اللى قلبك يحبها
و # التمثيل و انك روحت و مالقيتش حد و الخرف دة انا يا عم الدكر واقف و بصور بالموبيل من الساعة اتنين و نص
و مدام ليلى و مدام منى شاهدين على دين ام التخريف اللى كان حاصل و شماته ولاد # دول فينا
لما تحب تشهر بلوج يا شاطر ما تجيش تعمل فيها زعيم و تعمل مبادرات و دى فعلا غلطتنا اننا نمشى ورى العيال
و استنى بقة التدوينة اللى هانشر فيها الصور
سلام يا عم المبادر خلتنى لاول مرة اشتم فى مدونة
Comment by GEMYHOoOD — July 8, 2006 @ 10:23 am
أنا آسف يا جيمي , اضطريت أعدل بعض الكلمات في تعليقك عشان ما بسمحش بيها عندي ـ
سأرد عليك بعد قليل إن شاء الله
Comment by asad — July 8, 2006 @ 10:51 am
شوف يا جيمي
أول حاجة أنا مش ملزم أردعليك بأي شكل من الأشكال .ـ
وكلامك ده كله لا يستدعي أي رد فعل من أي نوع , لأنه ببساطة مبني على افتراض أنني لم أحضر , وهذا غير صحيح .
زي ما قلت فوق فيه خطورة أمنية ممكن أتعرض ليها لو قلت اللي حصل معايا , بس لأني تقريباً بحترمك , هبعتلك رد على بريدك وسأفترض أنك إنسان محترم و ستعتذر عن خطأك هنا في تعليق آخر .
Comment by asad — July 8, 2006 @ 11:01 am
أنا بعتلك فعلا يا جيمي , يا ريت تقرا الرسالة
Comment by asad — July 8, 2006 @ 11:43 am
جيمي
!
!
انت بتقول انك قابلت دكتور ليلى هناك؟؟؟؟
طيب مشوفتنيش وانا واقف معاها؟
Comment by محرز — July 8, 2006 @ 6:25 pm
السلام عليكم و رحمة الله و بركااته ..
أعتقد أخي محرز كان بيتكلم عني ..أنا فعلا كنت هناك امبارح و دي أوب مرة أحضر مسيرة أو مظاهرة في حياتي .. وده لإني مش مقتنعة من زمان بفاعليتها و مضمونها .. إلخ ..
لكن الموضوع امبارح كان مختلف ..
أنا عندي كلام كتير جدا .. بس نظرا لضيق الوقت للأسففففففففففف هختصر ..
الجحاجة اللي طلعت بيها امبارح هي تشرفي بمعرفة أستاذة ليلى و دكتورة منى ..
ولي عودة إن شاء الله ..
أستودعكم الله
سارة
أ
Comment by أم و عالِمة — July 8, 2006 @ 6:36 pm
يا محرز شوفتك و صورتك كمان و باقى ردى عليك هاتلاقيه عند علاء و منال
اما الاخ اسد
بص علشان الكلام الكتير انا مش بحب أتعب صوابعى فيه
طبعا موضوع انى محترم دة غصب عن سيادتك و على جمهورية مصر كلها و على العالم كله
موضوع الرساله و اعتذار و الكلام دة كله
و الله انا ما قولتش انك شاذ و لا بتبيع مخدارات علشان اعتذرلك
يا سيدى انت عندك خطورة امنيه
و احنا عندنا خطورة مهلبية
الموضوع انتهى يا اسد
و انصحك بعد شهرة مدونتك الحلوة دى
تخليها بقة خاصة بالمبادرات
يعنى شويه مبادرة اسعار الطماطم
على مبادرة مظاهرة لمنع الجنيه الفضة
و كدة يعنى و كله برزقه يا عم الحاج
Comment by GEMYHOoOD — July 8, 2006 @ 10:09 pm
انا شايف انك شغال اهو و بتعدل من تصميم المدونة
ههههههههههههههههههههه
الله ينور و عندك نفس بجد تبص للمدونة دى تانى انا لو منك شاف الولعة الىل ماسكه فى اسم اسد فوق دى
كمل بيها على المدونة و ريحنى
Comment by GEMYHOoOD — July 8, 2006 @ 10:10 pm
واضح إن جيمي مراهق
ولا تضايق نفسك يا أسد
أحييك على مبادرتك وإن شاء الله نلتقي في مظاهرة تانية
Comment by Anonymous — July 8, 2006 @ 10:30 pm
علي ما أظن إن فيه واحد إتمسك عند التمثال أول ما وقف هناك
ودي أخبار جات لي وأنا في المنصوره لأني كان عندي بلاوي يوميها في المنصوره
بس والله جدع ياض واقف لي جنب عمرو عبد الله مصور المصري اليوم وبعدين تسيبه وتروح تقف عند التمثال لوحدك
وتروح ومافيش إعلام حوليك
لا بصراحه جدع وراجل من ضهر راجل
وربنا يستر
Comment by ميت — July 8, 2006 @ 10:48 pm
Anonymous
طيب لما انت دكر كدة ما تكتب اسمك
و بتحييه على انهو مبادرة اللى فشلت ؟.؟؟
Comment by GEMYHOoOD — July 9, 2006 @ 11:27 am
أسد ممكن تقول لنا ولو على البريد إيه إللي حصل؟
ما تزعلش: المظاهرة دي كان لا يمكن تنجح
مش عايزة أحبطك بس ده طبيعي جداً
لا الوقت ولا الظروف تسمح لها تنجح
تحياتي
Comment by Socrates — July 9, 2006 @ 6:26 pm
عزيزي أسد
لا تقل أبدا فشلنا أنا شخصيا أعتذر عن عدم مجيئي لأسباب لا مجال هنا لذكرها ولكن أتصور ان المشكلة في التنظيم وليس في الفكرة كنت أفضل ان نختار يوما دراسيا كالسبت مثلا وان تكون الوقفة أمام جامعه القاهرة لكي نضمن مشاركة الطلبة أما بالنسبة لكفاية والاخوان فهم لم يعرفوا بالأمر الا في العاشرة من مساء يوم الخميس وهذا ايضا تقصير مني
عموما الفكرة لسه حية وقابلة لتجديد والتصعيد واعتبر مدونتي تحت امرك في أي وقت
أخوك
عمرو
==========
انتهى تعليق عمرو وهذا رد من أسد :ـ
asad:
أنا هكتب في نفس تعليقك يا عمرو حتى لا تنقطع أفكار المتابعين بعد التعليق الطويل الأخير .ـ
أولا من حيث الفشل أعتقد أننا فشلنا ولابد من الاعتراف بذلك حتى لو كان الفشل لعوامل موضوعية خارجة عن إرادتنا ولكن لابد أن نعترف حتى نحاول تحييد هذه العوامل مستقبلا
الفكرة لم تكن تنظيم مظاهرة وخلاص هذا أمر سهل ومتاح في حدوده الدنيا , المستهدف كان رمزية المكان أمام السفارة الصهيونية
أعتقد إنك عملت دور مهم وكان دفعة كبيرة للموضوع , جورج اسحاق قالي إنك جيت الاجتماع وبلغتهم , كنت بكلمه في التيليفون و هو ميعرفنيش فقالي دي دعوة عاملينها الولاد الصغيرين
عموماً الطريق لسة طويل والمعركة ما خلصتش
Comment by alzaher — July 10, 2006 @ 8:27 am
كأس العالم وخمرالقوة
”من حق إسرائيل أن تدافع عن نفسها“. ماذا حدث؟ لايهم. من حق إسرائيل أن تدافع عن—نفسها—هكذا وحتى قبل أن يقوم الجيش الإسرائيلى بالتحقيق فيما حدث! هكذا صرح المتحدث بلسان وحذاء البيت الأبيض، مجاوبا على نحيب الطفلة التى فقدت عائلتها والتى أعتقدت أن من حقها أن تبتعد قليلا وتحتمى بالبحر من اليابسة لتأتيها الرسالة الأخيرة: أين تذهبون؟ فليس من حقكم أن تلجئوا إلى البحر بعدما أشاحت عنكم السماء، وأنكر عليكم إخوانكم من حولكم الخبز وعلبة الدواء، لقد خرجت العائلة الفلسطينية مفسحة المجال للطائرات الأمريكية الحديثة لتقوم باختبار دقتها فى شوارع غزة واستعراض تكنولوجيا القرن الواحد والعشرين فى حلبة الجلاديتر فيشاهدها العالم على شاشاته فى الغرف المغلقة التى أمتصت مكييفاتها الهواء فى الأردن والقاهرة وإسرائيل ودول الخليج بقوة الدفع وبأجهزة تعمل برموت أمريكى فلم تستطع الأسرة المكوث داخل البيت وضاقت الصدور وتأزّم الأطفال فلملمهم الأب حانيا وكان قد وعدهم مرارا أن يأخذهم الى الشاطىء وها هي عروسته الصغيرة تتعلق فى رقبته وتستحلفه بالغالي والشهيد أن يأخذهم الى الشاطىء والجيوب فارغة والقوت بالكاد والحزن مقيم، وهكذا وزن الأمر. ولِما لا؟ قد تستطيع الرئتان أن تتنفسا بعض الهواء غير المعبأ برائحة البارود والدماء والشعر المحروق، ويستطيع الصدر أن يُخرج آهاته المكبوتة ويطلقها متوارية وسط شهيق البحر المتاح ويستطيع المرح أن يجد له زاوية بعيدة عن أعين أيتام الشهداء.
أيها السادة :لم يبق اختيار
سقط المهر من الإعياء
وأنحلّت سيور العربة
ضاقت الدائرة السوداء حول الرقبة
صدرنا يلمسه السيف
وفى الظهر الجدار
أيها السادة : لم يبق انتظار
من حق إسرائيل أن تدافع عن—نفسها—مهما حدث بعد كل شىء وقبل كل شىء ورغم كل شىء. من حق إسرائيل أن تدافع عن—نفسها—، ولهذا لابد ألا تدافع لبنان عن نفسها، ولابد ألا تدافع طهران عن نفسها، ولابد أن تنعم الشعوب العربية بالديمقراطية وتنبطح للإرادة الأمريكية، ولهذا لابد من قتل المارة والسكان فى العراق وفلسطين بالطائرات الشبحية وصواريخها الذكية ولابد من اختبار مدى تحمل مؤخرة هذا الكائن العربى المجهول لوسائل التقييم واعادة التأهيل فى المختبرات والسجون الأمريكية. “الدفاع عن النفس” تبريرالبيت الأبيض لجريمة إسرائيل وما لايفهمه الناس فى الحقيقة هو—نفس—إسرائيل هذه، هذه النفس التي تعرفها أمريكا جيدا، فما هي فى الحقيقة إلا وحش مهجّن لاعلاقة له بالدين اليهودي ولا بسيدنا موسى ولا بسيدنا يوسف ولا بآل يعقوب ولا بالسامية ولا يحزنون، إنها نفس هجّنها التيه ولقحها الغضب وصاغها الاضطهاد وغواها السامري فأصبحت على ما هي عليه :كائن مشوه حرف رسالة بنى إسرائيل وأخلّ بدور أمة اليهود فى العالم، وها هي هذه—النفس—تأخذ أمة اليهود مرة أخرى الى المجهول الذي هو قادم لامحالة ، فلا يوجد فى التاريخ أمة أستطاعت أن تعيش ويكون وجودها مشروطا بأن يظل سيفها مسلطا طوال الوقت على من حولها، لاتوجد أمة أو إمبراطورية استطاعت أن تهزم الحق عندما يكون أبلجا. وغدا مهما طال الأمد سوف تذهب المظلات ولن تستطيع حينها إسرائيل أن تجد هذا المتحدث لأنه هو نفسه يستعد رويدا رويدا لأن يذهب الى مزبلة التاريخ وحينها سوف تبتلع تلك الدولة القميئة قنابلها النووية أو تستعملها- سيان ومهما كان الأمر فسوف تهزم إسرائيل مرة واحدة والى الأبد.
عندما يصادف أن أشاهد مشاهد الرعب التى أصبحت تزاحم المرء أينما ولى ، مرة من خلال التلفزيون والفيديو من باب متابعة اهتمامات الناس، ومرة من خلال نشرات الأخبار والخبر العاجل الذى أصبح يصاحبه الموت على الهواء مباشرة، كنت أتساءل: لماذا فى النهاية تموت الوحوش غير التقليدية التى يبدعها مخرجوا هذه الأفلام بطريقة تقليدية ؟ لقد زرعت أمريكا—نفسها—فى الجغرافيا والتاريخ من خلال الجريمة مرتين، مرة عندما تسللت وراء المحيط واستغلت خروجها من خطاب وقانون العالم القديم وأبادت السكان الأصليين (الذين أطلقوا عليهم اسم الهنود الحمرتحقيرا لهم) بينما بقي العالم لامباليا، ومرة أخرى عندما عبرت المحيط واستغلّت الحرب العالمية الثانية بعد تآكُل كل القوى القديمة ولتدشن نفسها قوى عظمى على حطام الإمبراطوريات السابقة وأبت إلا أن يكون ذلك –كعادتها- بجريمة ترج العالم صدمة ورعبا فقامت بالقاء قنبلتين نوويتين على مدينتين بكل من فيها من أطفال ونساء وكائنات فى فعل اجرامي غير مسبوق فى تاريخ الجريمة ولايزال مقتصرا عليها ويناسبها تماما كأقذر وأخس أمة عرفها التاريخ، لم تهدف به إلا الدعاية لقوتها، فقد كانت هزيمة اليابان محققة واستسلامها حتمية عسكرية فى رأي كل الخبراء. ويستدعي هذا الحديث من ذاكرتي صورا فوتغرافية ل “الهنود الحمر” والتي نلاحظ فيها بالاضافة لاختفاء الابتسامة- نظرة لا مثيل لها تقول فيما تقول سوف تعرفون آجلا أم عاجلا ماذا كسبتم عندما تصبحون بين قبضتي هذا الوحش. هذه نفسها أمريكا التي ملأت العالم بعد ذلك بمحاكمات النازية وتضخيم أساطير تمرر بها حقيقة أبشع حرب فى التاريخ قُتل فيها أكثر من خمسين مليون انسان وكشفت لنا وهم أسطورة التقدم وحدود سيطرة العقل على العالم ونتائجها.
إن قتل المطلوبين والمدنيين باستخدام الطائرات والصواريخ الذكية ليس اختراعا إسرائيليا، بل هو الخيار الوجودى للاستيطانية التي ابتدعها الكاوبوي والذى رسم رصاص مسدسه بدماء الآخرين حدود رقعةالأرض التى زرع نفسه فيها. إن شرعنة قتل المطلوبين والمدنيين العراقيين وغيرهم على غرار العرف الأمريكي القديم “مطلوب حيا أو ميتا” وتوزيع الصور ورصد الجوائز يعني فيما يعني احياءا لخطاب الإبادة الذى تأسست عليه الولايات المتحدة، وإن كان هذه المرة راسما بدماء الفلسطينين وجودا مماثلا سرطانيا في قلب ضمير العالم، يكاد يتسبب فى استئصالة.
ما يحدث فى العراق وفلسطين وأفغانستان وجوانتنمو وسجون العالم السرية والعلنية مما له صلة بهذا المخطط الملعون للإدارة الملعونة يمثل أكبر خطر على ضمير العالم والإنسانية، وهذه الأفعال المريضة من الإبادة بعشوائية تحسبا ليست حربا على الإرهاب بل هي إرهاب يحاصر ما تبقى فينا من إنسانية. إن ما يحدث جريمة يقوم بها مجرمون تسلحوا بصمت العالم و خدعة الأمم المنتهكة وذلة أحقر شعوب الأرض، الشعوب العربية العفنة القميئة التي لا تستطيع الدفاع عن كرامتها وشرفاءها وأطفالها، شعوب أوكسها القعود ونخرتها البلادة وأذلها الجهل فهانت على نفسها وهانت على الناس وأصبحت تتوارى عن نفسها فى بئرسحيق من العجز والخواء، وأصبحت على طولها وعرضها لا تستحق من الشعر الا بيت المتنبى حين يقول :لا يقبض الموت نفسا من نفوسهم—الا وفى يده من نتنها عود
ها هم جنود الاحتلال يصطادون خير جند الأرض على حدودهم كما كان يصطاد البشوات البط ويتضاحكون وفرعون اليوم يعطي العالم درسا فى ضبط النفس وذبح الكرمة. من حق إسرائيل أن تدافع عن – نفسها—هذا هو رأي المتحدث بلسان وحذاء البيت الأبيض. لا أجد صعوبة كبيرة فى فهم ما يحدث وذلك لأن ما يحدث لا يحتاج لفهم إنه يحتاج لشيء آخر، يحتاج لبشر يشعرون وهذا ما فقدناه فليس الفهم ما يعوزنا بل الحس. عندما شاهدت تلك الطفلة هدى وهي تبكي وتنتحب وأباها ملقى على الأرض بلا حراك نظرت الى ابنتي وشعرت أننى لا أستطيع حمايتها.
قلبى صغير كفستقه الحزن..لكنه فى الموازين
أثقل من كفة الموت
هل عرف الموت فقد أبيه
هل اغترف من جدول الدمع
هل لبس الموت ثوب الحداد الذى حاكه.. ورماه ؟
خصومة قلبى مع الله.. ليس سواه
إنني على يقين بأن دولة إسرائيل سوف تزول من الوجود لا بسبب الأحاديث النبوية والنص القرأني “وإن عدتم عدنا” ولكن بسب داء الحقد الجهنمي الذى يتلبس اشقيائهم يقودهم إلى نفس الطريقة التي ينتهون بها طوال التاريخ لأن من يزرع الريح يحصد العاصفة، ومن يزرع الحقد يحصد الفناء، وهكذا كانوا يعودون فى التاريخ وهكذا كانت حتميات التاريخ تعود لهم تسوقهم الى نهايتهم سوق النعاج، ورغم كل الأساطير المؤسسة لدولة إسرائيل فهذا أغبى كيان لجيش فى شكل شعب يحمل البندقية ويتقوّت على الجريمة كلبا ذليلا لمصالح الولايات المتحدة، التي لا يستطيعون أن يعتمدوا فى مشاريعهم بعيدة المدى الا على من يكون احتياجه إليهم حتمية فى وجوده وهذا لايتوفر فى أحد مثلما يتوفر فى الكيان الإسرئيلي الذي صادف أحقر وأذل شعوب الأرض الشعوب العربية، والتى يصرح وزير خارجية بلد من بلدانها قائلا ما لم يقله أصغر زعيم فى قبيلة أفرقية يقول: “علينا أن نتوسل للحكومة الأمريكة” . هؤلاء الذين أصبحوا لايفرقون بين الذل والوجود لأنهم ولدوا لا كما تلد النساء أبنائها أحرار ولكن ولدوا فى عباءة الذل وحِجره ولم تزدهم أموالهم إلا صغارا، إن ما يحدث من مجازر فى فلسطين والعراق لم تقم به إسرائيل وأمريكا وحدهما بل آزرهم فيه السعودية وباقى جرابيع آبار البترول وحصاد قيىء الأرض الأسود التى كوّنت حولها كيانات لاتعيش إلا بشرعية محمية من أمريكا، إن من الذين صوّبوا على عائلة هدى غالية سمسار مصر الزنيم الذي يطمع فى أن يتولى ابنه كرسي السمسرة الكبير فى الشرق الأوسط، إن الزورق الإسرائيلي صوّب قذائفه بزاويه مريحة مسنودة على خوف قزم الأردن الحقير الخائن ابن الخائن ابن الخائن سليل أحقر بيت من بيوت العرب حارس عرش الخيانة والعمالة.
هؤلاء هم أعداء الشعب العراقى والشعب الفلسطيني وأعداء الأمة كلها بكل أديانها ومذاهبها وأطيافها وطوائفها هؤلاء هم القتلة الحقيقيون هؤلاء وإن لم يقتلوا طعنا وقذفا فأنهم يقتلون طمعا وخوفا، إنهم هم من يغلّون يد شعوب المنطقة ويمنعوها أن تقف أمام من يبنى الجدار أمام طموحها المشروع ومستقبلها الحتمي وجها لوجه، ولن يتغير شيء فى هذا الشرق الأعجز مادامت هذه النظم القميئة تسيطر على مقاليد الأمر فيه.
Comment by عزوز — July 10, 2006 @ 8:56 am
اتفضل يا عم اسد بيقولك جورج اسحاق بيقول عاملينها الولاد الصغيرين
ماهو الولاد الصغيرين دول الىل تعبوا علشان يبقى هوه فى المكان الىل هوه فيه دة
و علشان طبعا دول ولاد صغيرين ننفضلهم و مش نساندهم
و النبى حد يبلغه يقوله متشكرين يا عم جورج خليك انت فاضى بس للمؤتمرات المشبوهة اللى بتحضرها
كفايه ماتت و مالهاش قومه
و ادى صور المظاهرة اللى فشلت للى عايز يشوفها
http://t5at5a.blogspot.com/2006/07/blog-post_10.html
Comment by GEMYHOoOD — July 10, 2006 @ 10:09 am