الواد محمود صاحبي هيبقى قاضي !
September 20, 2006محمود ده واحد صاحبي وزميلي في الكلية .
محمود واد سبرسجي ضايع وبايظ وبيشرب سجاير وحشيش وبيعاكس وبيسرّح شعره لقدام (!), وثقافته في الحضيض , واهتماماته ما فيهاش حاجة عليها القيمة , ومع ذلك مش عارف ليه محمود من أكتر الناس اللي بقعد معاهم لما أروح الكلية – ده إذا رحت أصلاً – .
المهم محمود سقط السنة اللي فاتت – اللي هيا سنة أولى – وبقى مطلوب منه يعيد السنة تاني .
محمود قرر إنه يحوّل لكلية حقوق .
- وإشمعنى حقوق يعني اللي هتنجح فيها ؟ يا ابني خليك زي ما إنت هتبقى خدت السنة في سنتين بدل ما تخش حقوق وتسقط برضه وتاخدها في 3 سنين !
محمود : أصل خالي مستشار , وقالي مالكش دعوة , خش إنت حقوق بس وأنا هدخلك القضاء !
يا دي النيلة !
واحد زي محمود يبقى قاضي ويحكم بين الناس ؟ بمناسبة إيه ؟
هيّ البلد دي بتمشي على قفاها ؟! دايماً تحط الراجل اللي مش مناسب خالص في المكان اللي مش مناسب خالص برضه 
؟
طبعاً لازم كل حاجة في البلد ( العزبة ) تمشي بالمقلوب , إذا كان حماة الوطن المكلفون بتنفيذ القانون و الحفاظ على حقوق المواطنين وأرواحهم يبدؤون حياتهم العملية في خدمة القانون والعدالة بجريمة رشوة يدفعون فيها خمسين ألف جنيه لقياداتهم في خدمة العدالة برضه عشان يدخلوا كلية الشرطة .
لما يبقى عندنا ضابط شرطة مجرم ومرتشي وقاضي زي محمود , لكم أن تتخيلوا شكل العدالة !
ولكم أن تتوقعواً ما سيحدث لكم إذا حاولتم اختراق خطوط العدو . . قصدي المرور من كمين الزعفرانة !!
مصيبة!
Comment by حسام الحملاوي — September 21, 2006 @ 2:27 pm
انا راىى يبقى انسان محب للعداله
“حبيب العدل”
مش القضاء بس اللى كده ....................ولسه
Comment by نادين — September 21, 2006 @ 10:19 pm
هو ده المعني الحقيقي لجملة
” يبقى انت اكيد في مصر ”
نورت مصر يا استاذي
:)
اللهم عليك بالظالمين و من والاهم
Comment by بنت سعد — September 30, 2006 @ 11:56 am
يا رب نرى قريبا ثورة مليونية …لن ننال الحرية إلا بالدماء ، بدل ماهنا اضراب و هناك آخر يجتمعوا كلهم ولن يبرحوا الأرض حتى ننال المراد ( فالمؤمن القوى خير و أحب إلى الله من المؤمن الضعيف ) و لن يقف أمامهم أقوى القوى على الأرض و لا حتى كلاب الأمن المركزى و شرطتها العفنة ،يارب لا أموت قبلنا أرى فيهم يوم أسود عليهم ليس له نهار يحاسبوا فيه عن كل شئ
!
على تهاون المخابرات فى المحافظة على طائرة البطوطى و ده مش غريب على أى أصدقاء و رفقاء لمبارك ، صدام أيضا مثال لذلك عندما أتهمه بحيازة أسلحة دمار شامل ،
على كل من غرق أو احترق أو تمزق جسدة فى وسائل المواصلات بسبب الإهمال
على أطفال مصر اللى أخذوا أحشائهم للتجارة فيها
على شباب مصر الذين ينتحرون كمدا
على مدرب سباحة ألقته الشرطة البلطجية من شرفة منزله أمام أولاده ظلما بدون أى محاكمة
على إنتهاك عرض المصريين رجال ونساء فى أقسام الشرطة
ده غير الأمراض اللى ملو بيها جتتنا و تلويثهم للهواء و الماء و الدم و شرفنا جميعا و شرف القضاه وحسبنا الله ونعم الوكيل ،أنا لم يصيبنى ضرر مباشر من هذه الحكومة الفاسدة و لكنى أضع نفسى فى عبارة أو قطار و أشعر شعور بنت بلدى عبير العسكرى عندما مزقوا لها ملابسها فى قسم شرطة السيدة و أقول …… و الألم يعصرنى ……هل مازال
فى بلدنارجال
Comment by A F M — February 16, 2007 @ 4:51 pm