فضيحة تعذيب جديدة في مصر صوت وصورة على التليفزيون الكندي
December 23, 2006
مواطن مصري لم تعلن هويته حتى الآن , كان قد قدم طلب لجوء سياسي إلى كندا التي أعادته إلى مصر حيث قال إنه تعرض للتعذيب , وعرض تلفزيون CTV الكندي مشاهد تظهر آثار التعذيب على جسد المواطن المصري الذي كان يتوسل الكنديين لإنقاذه .
القضية بيتم تسويقها بشكل طائفي على إنها جزء من " اضطهاد المسيحيين " وحاجات كدة ما بتنزليش من زور , بس طبعاً مطلوب التحقق من جدية الموضوع حتى لو كان مدفوعاً من جهات غير بريئة تتصل بأقباط المهجر أو غيرهم .
حسب ما شاهدته هناك اهتمام رسمي كبير بالقضية في كندا , و سفير النظام المباركي هناك – اسمه محمود السعيد - قال كلمتين خايبين من الحديث النمطي التقليدي المعتاد لأي مسئول حكومي بقف لطخ .
التفاصيل من CTV وفيه الفيديوهات ومقابلات مع محامية الضحية ووزير الهجرة الكندي والسفير المباركي وناس تانية :
عزيزى اسد
بعد التحيه و السلام .... انا من احد المعجبين وقراء موقعكم... و فى الحقيقة موقعكم شجعنى على ان اعمل مدونتى الخاصه ... و اكتب فيها بعض من تجاربى فى الحياه كمصرى بيحب وطنه و بيغير عليه... و يتمنى انه يبقى نجم قوق فى السما و عالى...حاليا باعيش فى انجلترا و باشتغل فى جامعة شيفلد...المهم علشان ما طولش عليكم و اعطل و قتكم...اتمنى انكم تضيفوا
اسم مدونتى الى موقعكم و انا كمان اضفت اسم مدونتكم الى موقعى.
عنوان موقعى كالآتى:
http://kalambelmasry.blogspot.com/
و اسم المدونة “حدوته مصريه على المصطبه”
مدونتى عباره عن حدوته مصريه على المصطبه ...احكيها لابن بلدى المصرى البسيط ...و هى حكايه سهله بس عويصه ...اتمنى انها تعجبكم انتم كمان
و اتمنى انى اسمع منكم قريبا
اخوكم دكتور محمد الرفاعى
انجلترا شيفلد
Comment by محمد الرفاعى — December 23, 2006 @ 8:45 am
افتكر المشكلة مش في انه مسيحي ولا مش مسيحي
وما افتكرش حتى ان دي تهم قوي
الفضيحة الحقيقية ان ده ممكن يحصل لبني آدم في بلده على ايد ناس المفروض انهم بيحموه باسم القانون
يعني بغض النظر عن كون الشخص الضحية ده مسيحي ولا لا
فالعالم كله سمع عن قضية امجد بتاع نقطة الزعفرانة والضحية بتاع قسم الهرم وعماد الكبير بتاع العصاية وغيرهم وغيرهم وغيرهم
ده طبعا كله غير المتهمين اللي امريكا كانت بتخطفهم من اوروبا وتبعتهم يتم استجوابهم في مصر
العالم كله عارف ان فيه تعذيب منهجي في مصر بيتم بشكل منتظم
مهما حاولوا يروجوا لفكرة ان دول قلة منحرفة من رجال الشرطة او القانون
اللي زاد هو استخدام الانتهاك الجسدي الجنسي عشان تبقى فضيحة بجلاجل
وبعدين يرجعوا يقولولنا بلاش تتكلموا عن التحرش في الشارع عشان بتسيئوا لسمعة مصر ....
Comment by bluestone — December 25, 2006 @ 9:20 pm
hi
Comment by Anonymous — May 17, 2007 @ 2:13 am
waaaaaaaaaw ya 7raam allah yshfee
Comment by rana — November 9, 2007 @ 12:29 am