وقفة رجالة في عيد الشرطة ضد البلطجة والانتهاك, الرابعة أمام نقابة الصحفيين
January 24, 2007
بكرة الخميس 25 يناير عيد الشرطة !
زمان في 25 يناير 1952 , الشرطة المصرية كان فيها رجالة , المحتلين الانجليز حاصروهم في مبنى محافظة الإسماعيلية , صمدوا, قاموا, استشهد منهم خمسين , اليوم ده بنعتبره عيد الشرطة المصرية التي بتدافع عن البلد والناس ضد أعداءهم.
دلوقتي الشرطة المصرية بقت جهاز رسمي للقمع والانتهاك , رجال الشرطة البواسل أصبحوا قطاع طرق نظاميين وبلطجية مرخصين , يعتقدون أن تحقيق الأمن يبدأ من مؤخرات المواطنين , ويسلّون أوقات فراغهم بتوصيل أسلاك الكهرباء إلى أجساد المعتقلين !
حسني مبارك بيعمل احتفال رسمي لتهنئة رجال الشرطة الحاليين اللي بيحموا كرسيه وبيظبطوا المسائل لجيمي من بعده , حسني مبارك بيحتفل بظباط التعذيب وفرق الكاراتيه وجحافل الأمن المركزي , احنا هنحتفل بالشهداء اللي ماتوا وهما بيدافعوا عن البلد , ونطلب من رجال الشرطة الشرفاء – لو لسة موجودين – يشتغلوا بضمير وينضفوا الداخلية أو يستقيلوا ويكشفوا للمجتمع كل اللي زمايلهم الفاسدين المجرمين بيعملوه .
لو لسة عندنا أمل في مصر نضيفة بتحترم ولادها وبتديهم حقهم , ورجال "أمن" بصحيح , تعالوا معانا , هنكون موجودين يوم الخميس أمام نقابة الصحفيين الساعة الرابعة عصراً , عايز أشوفكم .
نهاره أبيض علينا وأسود منيل على أمهم بإذن واحد أحد
ننزل الإعلانات في مدوناتنا ولا إيه؟؟؟
Comment by الحاج جرجس — January 24, 2007 @ 11:30 am
نزل طبعاً يا حج , دي مش عايزة كلام .
Comment by asad — January 24, 2007 @ 11:39 am
حرام يا شعب جبان
هتروحوا فين من ربنا
Comment by ahmed shaker — February 25, 2007 @ 8:16 pm
والله ياجماعة حرام جدا لان كلنا بشر بس الشرطة كلها عفوا فى اللفظ مع احترامى للجميع كلهم زبالة وارجوا من السادة التحقيق فى القضاية الاكثر من بشعة
Comment by المستشار \ احمد الحلوانى — March 20, 2007 @ 5:18 pm