في الذكرى الـ19 : يا مصر قومي وشدي الحيل بس مقدرش أوعدك بحاجة
April 12, 2007
في ظل هذا المنعطف التاريخي الخطير في حياة أمتنا وبالتوازي مع الأحوال الدولية والإقليمية الملتهبة , تحل علينا اليوم الجمعة الذكرى السنوية التاسعة عشرة لمولدي شخصياً , في الثالث عشر من أبريل عام 1988 .
ولدتُ قبل تسعة عشر عاماً وعشت وتعلمتُ داخل مصر وخارجها , والآن أدرس وأعمل وأدوّن وأشارك في المظاهرات وأسعى لقلب نظام الحكم, وأُنصح بحلاقة لحيتي حتى لا " ينفخوني" ! . عمرٌ كامل وحياة طويلة بدأت في الولاية الثانية للمدعو حسني مبارك 
الذي لا يزال يجثم على صدور اللي خلفونا حتى ساعة كتابة هذا البيان , بل إن مصريين آخرين وُلدوا قبلي بسنوات وتزوجوا وأنجبوا و هم الآن على أعتاب مرحلة الكهولة ولمّا يروا رئيساً غير المذكور أعلاه !!
الذي لا يزال يجثم على صدور اللي خلفونا حتى ساعة كتابة هذا البيان , بل إن مصريين آخرين وُلدوا قبلي بسنوات وتزوجوا وأنجبوا و هم الآن على أعتاب مرحلة الكهولة ولمّا يروا رئيساً غير المذكور أعلاه !!السنة الجديدة بقى يا ولاد على الصعيد الشخصي أديني بنجح في الكلية – معرفش إزاي بس كتّر خير الدكاترة - وباشتغل في في بلاط المخفية اللي دايرة على حل شعرها اسمها إيه ؟
على الصعيد القومي بقى أحب أطمن اللواء أحمد ضياء الدين إن بعد اعتصام 16 مارس واعتصام ليلة 26 مارس سننظم اعتصام 36 مارس كجزء من طفرة جينية في تطور مرحلة ما بعد 30 فبراير , وبعد مظاهرة السفارة الإسرائيلية المُغتالة -المظاهرة لا السفارة – سأدعو إلى مظاهرة أمام (إسرائيل) شخصيا على الحدود ! وليه تروح السفارة لما ممكن تروح إسرائيل نفسها ؟!
إن بعد اعتصام 16 مارس واعتصام ليلة 26 مارس سننظم اعتصام 36 مارس كجزء من طفرة جينية في تطور مرحلة ما بعد 30 فبراير , وبعد مظاهرة السفارة الإسرائيلية المُغتالة -المظاهرة لا السفارة – سأدعو إلى مظاهرة أمام (إسرائيل) شخصيا على الحدود ! وليه تروح السفارة لما ممكن تروح إسرائيل نفسها ؟!وبعدين معاكي يا مصر في ليلتك السودة!? لسة ما كملتش تسعتاشر سنة , والرؤية بقت طشاش والأفق العام ضلمة والمستقبل مجهول ومنيل بنيلة ؟ بتعملي فينا كدة ليه ؟
معلش يعني أنا مش هعمل زي الجيل اللي فات اللي بعتوا عم أحمد والشيخ إمام يغنولك " يا مصر قومي وشدي الحيل .. كل اللي تتمنيه عندي" يعني عشموكِ بالحلق وخرمتي ودانك على الفاضي وخِلْيوا بيكِ في الآخر .
لمؤاخذة يا مصر أنا هجيبهالك م الآخر يا بنت الناس : يا مصر :
قومي وشدي الحيل .. بس مقدرش أوعدك بحاجة
مصر يا اسد في غفوة اه
بقالها يجي 7000 سنة اه
عمرها ما فاقت منها اه
بس برده مصر هي مصر
وهتفوق
وهتفرج الكل حتي موريتنيا
انا بقه بوعد مصر بكتير وكتير جدا طول ما فيها شباب بيحبها ذيك
ولا انت عندك راي تاني ؟
Comment by أحمد عبد الفتاح — April 12, 2007 @ 10:56 pm
قبل ما انسي صحيح
عندي فكرة مظاهرة لكن جديدة نوفي ومطرقعه جدا
كفاية 100 يقوموا بيها تمام التمام وليها صدي جامد
ايه رايك ؟
لو فكرت اتصل بيا ونتقابل
رقمي مع محمد عادل – ميت -
Comment by أحمد عبد الفتاح — April 12, 2007 @ 11:02 pm
ايواا كده لازم تبقي صريح معاها ومتوعدهاش بحاجه اصلها من النوع اللي بيشبط
اما بخصوص اعتصام 36 مارس فا انا بقترح انه يبقي حوالي الساعه 7 العصر علشان الطراوه والحر بقي وانت عارف الواحد ريقه بينشف قد اييه
اما المكان فيبقي في بطن الزير منعا للمشاكل والزحمه والحر
اه صحيح كل سنه وانت هيهيهيهي
Comment by shaimaa — April 13, 2007 @ 1:39 am
يعني لازم اكتب ام
Anti-spam measure
عشان اقولك كل سنة وانت
طيب؟؟
طيب مش هقول
Comment by Mehrez — April 13, 2007 @ 1:14 pm
يا أسد
أولا كل سنة وانت طيب ، تصدق ان انت طلعت قد اخويا الصغير ما كنتش متصور انك صغير قوي كده
على فكرة الأغنية من كلمات الشاعر زين العابدين فؤاد مش عم نجم ، وانا بصراحة باعشق الأغنية دي
مش عاوزك تتشائم ، ليه لأ يا أخي ، ليه ما يبقاش جيلنا هو اللي فعلا ممكن يقول لمصر وبقلب جامد “كل اللي تتمنيه عندي”وبعدين هي تقوم ازاي اصلا من غير ما نوعدها بما هو أفضل مما هي فيه
كل سنة وانت مرة تانية
ملحوظة: هون على نفسك
:)
Comment by alzaher — April 13, 2007 @ 8:09 pm