أنا كمان إخوان يا أمن دولة خرفان
April 15, 2007في الثالثة والنصف فجر الجمعة منعم يبدو متصلاً على Gmail chat يرسل لي فجأة رابطاً لتدوينة على إنسى ,و يقول :-
- أسد قد تكون اخر من اتكلم معه علي النت لمدة لا اعلمها
- إيه اللي حصل ؟!
- إيه اللي حصل ؟!
- أمن الدولة لسه ماشي من البيت في الاسكندرية وهم يبحثون عني الان في القاهرة
- طيب فيه إيه ممكن نعمله ؟
- طيب فيه إيه ممكن نعمله ؟
- الدعاء ...
وذهب منعم .
تاركاً أباه المريض وأمه وحيدين , اختطفته ميليشيات كلاب مباحث أمن الدولة في مطار القاهرة من طائرة كانت متجهة إلى لندن فجر الأحد حيث يعمل منعم مندوباً لقناة الحوار .
وأمرت نيابة شبرا الخيمة قبل ساعات بحبس عبد المنعم 15 يومأ على ذمة التحقيق في قضية ملفقة لبعض طلبة الإخوان الذين اتهمهم كلاب أمن الدولة بتنظيم عرض عسكري في معهد التعاون الزراعي بشبرا الخيمة ! ونفى عميد المعهد نفسه هذه التهمة عن طلابه , ولا أدري على أي أساس تم إلحاق منعم بقضية معهد التعاون الزراعي ؟!
منعم سبق أن تعرّض للتعذيب بيد كلاب أمن الدولة عام 2003 , لا توجد الآن أية ضمانات لسلامته
شاهد منعم يروي وقائع تعذيبه في مؤتمر القاهرة الخامس :
والد منعم يعاني أزمة صحية خطيرة قد تودي بحياته ويحتاج إلى عملية جراحية عاجلة , فضلاً عن التأثير القاتل لنبأ اعتقال منعم على صحته , منعم أرسل قبل اعتقاله رسالة مصورة بخصوص حالة والده :
أنا مخنوق وخايف على منعم ومش قادر أعمل حاجة , من فضلكم شاركوا بوضع اللافتات دي في مدوناتكم أو اعملوا لافتات تانية لأني مش بتاع تصميم ولا نيلة .
وشكراً بالمناسبة لجماعة الإخوان المُكَلّفين على موقفهم الرائع والمشرف من اعتصام الامس .
وشكراً بالمناسبة لجماعة الإخوان المُكَلّفين على موقفهم الرائع والمشرف من اعتصام الامس .
بانر أفقي إنجليزي :
بانر أفقي عربي :
بانر للشريط الجانبي إنجليزي :
بانر للشريط الجانبي عربي :
بانر رأسي كبير إنجليزي
بانر رأسي كبير عربي :
مين الإخوان المكلفون دول
Comment by محمود سعيد — April 16, 2007 @ 7:32 am
السلام عليكم ورحمة الله وبركاته
كلنا عبد المنعم من المغرب إلى المشرق
تحية خاصة على مجهوداتك النضالية الراقية وتحية للبطل عبد المنعم وإن طال الزمن لابد يوما ننتصر
شكرا لك يا غالي
ومع مزيد من التواصل بيننا تقديري وإحترامي
Comment by المصطفى اسعد — April 17, 2007 @ 8:47 am
والله يا سيدي الفاضل الواحد لا يجد ما يفعله ليقدم إلي أستاذه الاستاذ عبدالمنعم محمود ...
ويشعر بغصاصة في حلقه وألم في قلبه ... لهذا الظلم البين ولا يستطيع أن يقدم شئ ....
ربنا يفك عن أستاذنا ... بس بجد محتاجيين نعمل حاجة كبيرة موحدة نعملها مع بعض ... ونبدأ فيها فوراً ...
ربنا يجعليك ذلك في ميزانه ...
Comment by ibrahim El-Sharkawy — April 17, 2007 @ 5:14 pm
طيب نعمل ايه يا اسد
يعني قول اقتراح تاني من فضلك غير موضوع الاعتصامات والكلام ده
انا اسفة والله ما قصدي اهون منه
بس مش عارفة هل بيبقى له تأثير فعلا؟ انا مش باشكك انا باسأل
اذا له تأثير فعلا...بيبقى ازاي؟
يعني ايه نوع التأثير اللي ممكن يعمله لمنعم ولاسرته
انا عايزاه يخرج
انا اخدت البانر وكنت حاطة واحد قبل كده
بس اساسا انا عندي اكتئاب
ومتضايقة
وحاسة ان مافيش فايدة
طيب نعمل ايه
يعني فكر كده معايا او خلي جد يفكر
واللي ح تقولوا عليه يبقى نتفق اننا كلنا نعمله
اظن يعني منعم بقى بالذات مافيش عليه خلاف بين كل الناس مش زي كريم يعني
شوفوا كده ح تعملوا ايه وانا معاكم ان شاء الله
Comment by نوارة نجم — April 17, 2007 @ 6:16 pm
وأنا كمان أخوان يا كلاب أمن الدولة
حسبي الله ونعم والوكيل
أدعو لمنعم
Comment by عياش — April 18, 2007 @ 12:08 pm
حسبنا الله ونعم الوكيل
ربنا معاه فى مدونة انسى بيقولوا والد منعم فى العناية المركزة
ولا حول ولا قوة الا بالله
Comment by امام الجيل — April 18, 2007 @ 3:31 pm
رجاء لا احب ان يقول احد مافيش فايدة
فيه فايدة واقول ان كل من يضيف ولو كلمة لمصلحة مستقبل هذا الوطن سوف يكتب اسمه بحروف من نور الى الابد
في الوقت الذي ستكتب به اسماء من يسمون انفسهم امن الدولة بحروف من فضلات الحيوانات
فليكن اسمهم قمل الدولة
هذا الاسم المناسب لهم تماما
والله لو عندهم ذرة ضمير لتركوا هذا العمل القذر
لكن للاسف هم يدربون ليصبحوا اشرس من كلب الحراسة الذي ينهش بلا عقل ولا قلب ولا ضمير
اكرر هناك فايدة وفايدة كبيرة
يكفي ان كل الزبتنية لا يستطيعون النوم
لن نتوقف عن الصياح والمقاومة وتعرية الاوساخ حتى تجرفهم جحافل الشعب بكل فئاته الشريفة البائسة
فلتحيا مصر الى يوم الدين
ولتغسل مياه النيل النجاسة عن وجه الوطن العزيز
واذكركم يا قمل الدولة ان لا تنسون ضحاياكم حتى في الكوابيس سيطاردونكم الى ما شاء الله
Comment by مصري — May 5, 2007 @ 5:15 pm