Asad

الله أكبر .. 3 سنوات سجناً لإسلام نبيه

asad — Mon, 05 Nov 2007 12:15:50 +0000

لسة راجع من المحكمة حالاً

3 سنين سجن مع الشغل لإسلام نبيه ورضا فتحي أمين الشرطة في قضية تعذيب عماد الكبير

مبروك يا بلد DD

حقك رجعلك يا عماد

اللهم العن أئمتنا وولاة أمورنا !!

asad — Sat, 06 Oct 2007 03:45:41 +0000

أجدني أقولها كلما وقفت خلف "إمام موظف" يدعو لولاة أمرِه وأولياء نعمته أو يثني عليهم ويتملّقهم بين يدي الله – سبحانه وتعالى- غير عابيءٍ بجلال المقام وسوء عاقبة النفاق ، ولا أدري أصدّق ولي أمرنا المبارك وأجهزة حكمه أنهم ممّن يقيم شرائع الله ويسعى لإعزاز دينه وإعلاء كلمته ؟

أحسب القوم أنفسهم مكلفين بالذبّ عن حِياضِ الدين و مقارعة أهل البدع والأهواء من الفرق الباطنية دفاعاً عن صحيح السنة و الاستقامة على منهج السلف الصالح ؟!!

هل صار حبيب العادلي حامي حمى أهل السنة والجماعة ؟!

وإلا ففيمَ تحقق نيابة أمن الدولة العليا مع رجل تتهمه بـ"تلاوة تسابيح في الركعتين الثالثة والرابعة في الصلاة" ..؛ على خلاف السنة يعني !!

كفوا أيديكم عن أعراض المسلمين يا فجرة وانزعوا عصيّكم من أدبارهم ، ثم انظروا في أمر المتسننة والمبتدعة !!

سموأل أبو سحلة والملف الأخضر !!

asad — Fri, 31 Aug 2007 02:30:12 +0000

مين الظباط اللي خطفوا محمد الشرقاوي وعذبوه ؟

واحد منهم هو الرائد سموأل ابو سحلة !:

أنا طبعا متفهم جدا الأزمة اللي ممكن طفل يمر بيها لما يخرج للدنيا يلاقي عيلته اسمها أبو سحلة وهو اسمه سموأل ، بس ده مش معناه إنه يجنح للانحراف ويبدأ في استخدام الورق المقوى أثناء تعذيب المعتقلين السياسيين . .

المهم يا جماعة ، في المرحلة الأخيرة لاحظنا تطورا جديداً في حالة الرائد سموأل أبو سحلة بقسم قصر النيل ، حيث تم رصده أثناء استخدام دوسيه أخضر !!

سموأل طول الوقت كان ماسك الدوسيه الأخضر وكل شوية يبصله أو يفرج زمايله بتوع أمن الدولة عليه أو يغطي به وشه لما حد ييجي يصوره

الأمر الذي لفت إليه أنظار المصورين ومراسلي وسائل الإعلام – نظراً لتاريخه المعروف مع الورق المقوى – إلا أن عدداً منهم استعبدوا أن يكون أبو سحلة قد لجأ إلى استخدام الدوسيهات الخضراء كاداة تعذيب وانتهاك ، ورجحوا أن الأمر متعلق بعدة احتمالات أخرى منها :

(1)أن يكون الدوسيه الأخضر هو ملف أحد النشطاء في مباحث أمن الدولة ، أو ملفاً فارغاً يسعى أبو سحلة لملئه باسم أحد الوجوه الجديدة التي جاء لاصطيادها تمهيداً لاستدراج الشخص المعني إلى قسم قصر النيل حيث اتخذ أبو سحلة من مقر القسم وكراً لممارساته السادية :

أبو سحلة يراقب احد المتظاهرين ممسكاً بالملف الأخضر

(2) أن يكون الدوسيه الأخضر وسيلة جديدة لحماية الضباط المتهمين بالتعذيب حيث رصد المراقبون قيام أبو سحلة بتغطية وجهه باستنخدام الدوسيه كلما لاحظ قيام أحد بتصويره أو تغامز فتاتين حول ما بات معروفا عنه بين سكان وسط المدينة، في مجتمع لا يرحم ولا يتسامح مع الشواذ جنسياً:

(3) أن يكون الدوسيه الأخضر هو ملف خدمة الرائد أبو سحلة شخصياً بعد أن تسلمه من الداخلية التي قررت نقله إلى إدارة المطافي ومنعه من التعامل مع الجمهور ؛ حفاظاً على ما تبقى من سمعة ضباطها ذوي الميول الجنسية السوية ، ويظهر في هذه الصورة سموأل أبو سحلة وهو يعرض الملف الاخضر على أحد كبار ضباط مباحث أمن الدولة في محاولة لإقناعه -على ما يبدو – بالتوسط لإبقاء سموأل في الخدمة وعدم إحالته إلى الاحتياط او نقله إلى الدفاع المدني :

أخي المدون ساعد رابطة محبي سموأل أبو سحلة بوضع هذا البانر في مدونتك :

أخي المواطن : لا تتردد في الاتصال بـ 122 عند رؤيتك للرائد سموأل ابو سحلة ، أو معرفة أي معلومات عن محتويات الملف الأخضر ، وشكرا لتعاونكم معنا .

احملوا السلاح واقتلوا قتلة الأطفال في مصر

asad — Fri, 17 Aug 2007 22:58:13 +0000

د.يحيى القزاز

يا نظام سافل وحقير
نظام مبارك انتهك الأعراض وقنل الأطفال وجرف مصر وباعها للأعداء، نظام خائن لا يستحق إلا القتل. نظام لم يرحم الأطفال، وقتلهم في أقسام الشرطة، ماذا ننتظر؟ هل ننتظر حتى يأخذوا بناتنا وأمهاتنا وزوجاتنا سبايا في أقسام الشرطة ينتهكون أعراضهم؟ فماذا ننتظر إذن؟ لابد من حمل السلاح وضرب بالنار كل معتد أثيم، واستخدام السلاح الأبيض لمن لا يملك بندقية. لأننا مقتولون ومنتهكون فلماذا لانموت بشرف?

أى كلب وذئب بشرى لا يعرف الرحمة يقتل طفلا، هل يقبل وزير الداخليه قتل طفله أو حفيده، هل يرضى مديرو الأمن أن يقتل اطفالهم وأبناؤهم وأحفادهم، وينتهك عرض زوجاتهم وبناتهم وأمهاتهم؟ أقسم بالله لن يعود هذا النظام إلى رشده، ويكف عن سوء فعله إلا إذا رأى الجزاء من صنف العمل، من قتل الطفل محمد ممدوح يجب وأن يقتل، ودم الطفل إن ضاع هدرا سيعقبه أطفالا كثيرون. احملوا السلاح واقتلوا كل من قتل أو شارك في القتل.

لا أخشى شيئا، أنا لست محرضا، أنا أدعو إلى إحقاق الحق، والقصاص من نظام فقد رشده وصوابه وأقر شريعة الغاب. دور الشرطة حماية الشعب، وليست حماية الكلاب في النظام، كل من اُعتدى عليه أو على أطفاله أو أبنائه عليه بحمل السلاح وتعقب الجناة ومحرضيهم، نظام أوجد خصومة وثأرا شخصيا بين الشعب سفلة النظام. ماذا صنع الطفل محمد ممدوح ليقتل يا أيها الكلب خفير الداخلية، أعلم أنك وأنكم محميون بالسلطة، ولا تستطيعون أن تسيروا في الشوارع كما يفعل بقية البشر، تظلون حبيسو بيوتكم كنسوة القرون الوسطى، جبناء كخفراء الداخلية السابقين والقاعدين على ظهر الحياة في خوف وبعيدا عن الأنظار.

طفل يقتل ولم يهتز النظام، ولم يدلى رئيس النظام الصوري مبارك، ولا الرئيس الفعلى ولده جمال بكلمة واحدة، لأن الشعب لايهم عندهم، قتل الله أبناءك يا مبارك وأحفادك وعشت على ظهر الحياة تقاسي لوعة حرقة فلذة الكبد والعزلة عن البشر، واعلم أن أيامك محدودة واقتربت، وسيبيعك ونجليك وزوجتك أول من تحتمى بهم، فاحترس ممن وثقت فيهم، فهم أدرى بخباياك وخفاياك. يا أيها الحقير والحقراء، هانت عليكم أطفال الوطن، نهايتك سيئة يا سفالة الرئيس، وانتظر وسترى، وماذلك على الله بعزيز، ودعوة المظلوم لاترد، حسبنا الله ونعم الوكيل.

احملوا الأسلحة واقتلوهم، وإن لم تقتلوهم سيقتلوكم، المسألة صراع على الحياة بين أفراد النظام الكلاب وبين المواطنين. محمد ممدوح لن يكون أول الأطفال المقتولين ولن يكون آخرهم، وغدا طفلي وطفلك ، حفيدى وحفيدك، ماذا ننتظر. وكن باعه مبارك ونظامه، خانوه وسلموه للصهاينة، وسجنوا الشيوخ والشباب. عذبوهم وقتلوهم في السجون، واليوم يقتلون الأطفال، وغدا يغتصبون نساءنا في الأقسام ويقتلونهم. جهاز أمنى فاجر يفاخر بأنه يضبط الجماعات الأرهابيية، وينكل بأهل سيناء وسيوة، ويعجز عن معرفة مصير الصحفى "رضا هلال"، يا سلام على كفاءة وزارة الداخلية، تصبط أنظمة إرهابية ذات تقنية عالية، وتعجز عن معرفة مصير صحفى مختفي منذ سنتين.

لتكن الحرب أو الثأر على من ظلم واعتدى. يا أهلى من وقع تحت طائلة الموت لا يخشى الوقوع تحت طائلة القانون. طفل يقتل في قسم الشرطة، ورئيس الدولة الكلب وأنجاله وأفراد نظامه الكلاب ينامون مرتاحى الضمير، هل هؤلاء بشر، هل يعرفون معنى الأبوة وغلاوة الإبن فلذة الكبد. الموت لأعداء الحياة، ولتكن مصر أنهارا من الدم، إذا لم نتحرك اليوم فغدا سنرى نساءنا أمامنا يغتصبونهم ليعلموننا الأدب وكيفية الصمت، وسنرى أيضا أطفالنا يقتلون ويغتصبون أمامنا. هل مطلوب اللجوء للأمم المتحدة وتدويل المشكلة لحل القضايا، على الذين يختزلون مصر في النظام ويدافعون عن النظام باسم مصر، ما رأيهم فيما يحدث، آه يا نظام ما يختشيش يا كلاب يا ولاد الكلاب، كيف يقتل طفل ولا بيان يصدر من مؤسسة الرئاسة ولا توضيح من كلاب الحراسة.

آه نيران تحرق قلبي، وأدمع تتساقط من عينى كالثكلى، آه إنني أرى فيه إبني.. والله إبنى، يا ولاد الكلب يا سفلة يا احقر خلق الله، السلاح ولا غير السلاح والضرب في المليان في كل معتد أثيم

(2)

آه يا بلد ما فيكيش إلا تلبانة واحدة !

asad — Tue, 07 Aug 2007 05:54:26 +0000

شهرين فاتوا ما كتبتش فيهم حاجة ، آخر تدوينة كانت خبر خروج عبد المنعم ومن بعدها بطلت ، مش عارف ليه بالظبط بس كنت قرفان وحاسس إن الكتابة ملهاش فايدة ، لسة حاسس بده دلوقتي بس مش هيبقى ملناش فايدة وملناش صوت كمان على الأقل لما ييجي جيل بعدنا يبقى اسمنا اتكلمنا وما سكتناش .

النهاردة 7 أغسطس ، الجرايد كل يوم بتنشر في أخبار التعذيب والأساليب المبتكرة اللي الخنزير حبيب العادلي بيطبقها في أقسام الشرطة ، آخرها حرق الناس بجاز – حرفياً – ، عدد القضايا التي وصلت إلى وسائل الإعلام وحظيت بتغطية واسعة ستاشر قضية تعذيب في شهر يوليو بس ، فيه أضعافها قضايا ما بتوصلش للإعلام أو بتوصل ومبتتغطاش ، ده غير إننا بنتكلم عن قضايا أدت إلى قتل المواطنين أو إصابتهم بشكل بالغ مع إن المئات من عمليات التعذيب بتحصل يومياً في مصر كلها من نوعية الضرب والتعليق والاحتجاز في ظروف لا تليق بالثدييات .- مش هقول البني آدمين – .

معلش هاخد من وقتكم شوية دي مجموعة منتقاة من مانشيتات الصحف بداية من 1 يوليو ، اتفرجوا على المشهد الإجمالي يمكن نحسه بشكل مختلف عن المتابعة الجزئية :

.

ده بعض المعلن في شهر واحد يا مؤمنين !!

لو عايشين في مسلخ يمكن الإنتاجية هتكون أقل من كدة ، أنا عايز أعرف الباشاوات الرجالة الدكُرة اللي شايلين نسور ودبابير على كتافهم ، عايشين فين ؟ وبيتجوزوا مين ؟ ولادهم معانا في المدارس والجامعات ؟ بنشوفهم ونسلم عليهم في الأفراح والمآتم ؟ بنمشي جنبهم في الشوارع و ونصلي معاهم في الجوامع والكنايس ؟!

بياكلوا أكلنا ويلبسوا زينا ؟ ممكن يكونوا قرايبنا وجيراننا ؟ أساميهم نفس أسامينا ؟

يعني التعذيب كان حاجة مرتبطة بالنشاط السياسي المناهض لنظام الحكم ، وكانت الناس بتمشي جنب الحيط وتبعد عن القسم وتغنيله ، دلوقت التعذيب ديليفري ، يعملوا إيه طيب ؟ ينتحروا يا ريس ؟ بس المشكلة مش هتلاقي حد تحكمه !

الداخلية خلت التعذيب ممارسة يومية روتينية ، حاجة عادية جدا بتحصل في كل مكان كل وقت بشكل طبيعي بديهي زيها زي الطعمية وعصير القصب ، الباشا من دول يصحى الصبح – معرفش يقوم بالواجب مع المدام – يروح القسم يعلقله اتنين تلاتة في " الاصطباحة " وزيهم بعد الغدا ، يا ريت حبيب العادلي يعرف إن الظباط بتوعه ابتزوا وفد اتحاد الأطباء العرب الإغاثي اللي كان رايح للفلسطينيين المحتجزين في رفح وطلبوا فياجرا مقابل السماح للقافلة بالمرور في الأكمنة ونقاط التفتيش ، وأخدوا الفياجرا فعلا رايح جاي .

طيب يا ريس انت دلوقتي داخل على تمانين سنة ، مواليد 28 ، من دور شارون يعني ، وإنت عارف اللي بيحصل للناس في سنك ، فيعني ما يجراش حاجة في الآخر كده لو قلت للجماعة يخفوا إيدهم شوية ما إنت قعدت براحتك ستة وعشرين سنة محدش قالك بتعمل إيه .

و إنت يا جمال بيه هتتصرف إزاي بعد ما تشيل مسئولية البلد ؟ بعد ما فضلت ساكت دلوقتي ؟ هتعمل هيئة إنصاف ومصالحة زي الواد بتاع المغرب ؟ التعذيب اتفضح وطلعت بلاوي بس عمل نفسه مش واخد باله إن ده كان ايام أبوه ! احنا ما نرضاهاش لك ولا للحج ربنا – ربنا يكرمه بقى – فيعني يا ريت تشوفوا الموضوع من دلوقتي وأهو يبقى بإيدكم وبمزاجكم قبل ما يبقى غصم واقتدار يا بيه وبعدين الموضوع مش كويس عشان مركزك قدام الناس برضه، يعني الست الغلبانة اللي جابوها تحضنك وتتصور معاك دي، مش بعيد يكون أمين شرطة مستفرد بعيل من عيالها في قسم دلوقتي :

والباشا حبيب العادلي ، أكبر باشا فيكي يا بلد ، مش واخد بالك إنك جبت الكلام للراجل الكبير وهو مش ناقص فضايح يعني ؟ و ساكت عليك بعد كل البلاوي اللي حصلت في طابا وشرم ودهب ، تقوم تسرح صبيانك يقلوا قيمته ويجيبوله الشتيمة ؟ يا أخي خاف على أكل عيشك إنت والعرر اللي شغالين معاك ، "المختلين" في البلد ياما زي ما انتو راسيين والواحد فيكم ديته رصاصة طايشة باتنين جنيه من واد حرقتوا أبوه ولا اغتصبتوا أمه..

والله يا ريس إنت وجمال بيه وحبيب باشا – ومالكم عليا يمين – أنا لا عندي أمل قلبكم يرق ولا ربنا يهدي حد فيكم أنا عارف إنكم من أكبر كلب لأصغر مخبر ولاد وسخة ، بس خافوا على نفسكم يعني ، إش حال لو ما كنتش حاضر وشايف يا ريس يوم ما اللي قبلك اندبح في وسط جيشه ؟!

وبعدين لمؤاخذة أنا مش خايف عليكم ولا بنصحكم ، أنا خايف على أهلي وأصحابي والناس اللي بحبهم ؛ ما هي البلد لما تولع مش هتولع فيكم بس ، هتولع باللي فيها يا ريس .

الناس سايباكم أكلين شاربين سارقين لا حد بيقولكم بتعملوا إيه إزاي ولا صرفتوا كام فين؛ فخلوا عند اللي جايبينكم دم بقى مش تبقوا سارقين فلوسنا قاعدين بيها في مارينا وشرم وتبعتوا البلطجية بتوعكم يعذبونا في بيوتنا، أو يعني على الاقل خلوا للتعذيب للعيال الثورجية وبتوع المظاهرات – احنا بنعمل كده بمزاجنا ومستعدين نستحمل – ، عملوا إيه الغلابة والفلاحين اللي انتوا راكبينهم ومطلعين ميتين أمهم من خمسين سنة وما قالوش آه ؟!

النهاردة الناس في تلبانة حرقوا القسم ، وقبلهم الناس بتوع قسم المنتزه كسروه :

مش بعيد بكرة نلاقي قسم محروق وظابط مباحث مشنوق على أول كل شارع .

يحيى سامي حامد و محمد سليمان…ما تشد الحيل يا قاضي !!

asad — Fri, 01 Jun 2007 05:46:18 +0000

يحيى سامي حامد و محمد سليمان , عيال إخوانجية رجالة وجدعان أصحابي وحبايبي وعمري ما شفتهم ولا قعدت معاهم , كل اللي عرفناه عنهم صورتين كانوا أيقونات هوجة القضاة , هيومان رايتس ووتش عملت معاهم مقابلات أخيراً في إطار تقريرها الأخير :"مصر:شهود على القمع" .

محمد سليمان :

ويحيى سامي حامد :

في الذكرى السنوية الأولى تحية للرفاق أسرى الحرية , لرصيف المنطقة المحررة ولحق الشرقاوي , وأحلى مِسا لزكريا باشا والرجالة :

الأحد : محاكمة إسلام نبيه في دار القضاء العالي والدعوة عامة

asad — Sat, 05 May 2007 14:49:52 +0000

صباح غد الأحد 6 مايو تشهد محكمة جنايات الجيزة بدار القضاء العالي وقائع الجلسة الثالثة لمحاكمة السادي الشاذ إسلام نبيه أحد ضباط وزارة الداخلية المصرية .

وقائع المحاكمة تسير بشكل جيد حتى الآن ومن المحتمل أن تصدر المحكمة حكمها في هذه الجلسة .

السادي الشاذ إسلام نبيه قام أحد معاونيه بتصويره أثناء ارتكابه جريمة تعذيب الرجل عماد الكبير بإدخال عصا في مؤخرته :

شاهد تقرير الجزيرة عن جلسة المحاكمة الثانية :

أنا كمان إخوان يا أمن دولة خرفان

asad — Sun, 15 Apr 2007 18:11:14 +0000

في الثالثة والنصف فجر الجمعة منعم يبدو متصلاً على Gmail chat يرسل لي فجأة رابطاً لتدوينة على إنسى ,و يقول :-

- أسد قد تكون اخر من اتكلم معه علي النت لمدة لا اعلمها
- إيه اللي حصل ؟!

- أمن الدولة لسه ماشي من البيت في الاسكندرية وهم يبحثون عني الان في القاهرة
- طيب فيه إيه ممكن نعمله ؟

- الدعاء ...

وذهب منعم .

تاركاً أباه المريض وأمه وحيدين , اختطفته ميليشيات كلاب مباحث أمن الدولة في مطار القاهرة من طائرة كانت متجهة إلى لندن فجر الأحد حيث يعمل منعم مندوباً لقناة الحوار .

وأمرت نيابة شبرا الخيمة قبل ساعات بحبس عبد المنعم 15 يومأ على ذمة التحقيق في قضية ملفقة لبعض طلبة الإخوان الذين اتهمهم كلاب أمن الدولة بتنظيم عرض عسكري في معهد التعاون الزراعي بشبرا الخيمة ! ونفى عميد المعهد نفسه هذه التهمة عن طلابه , ولا أدري على أي أساس تم إلحاق منعم بقضية معهد التعاون الزراعي ؟!

منعم سبق أن تعرّض للتعذيب بيد كلاب أمن الدولة عام 2003 , لا توجد الآن أية ضمانات لسلامته

شاهد منعم يروي وقائع تعذيبه في مؤتمر القاهرة الخامس :

والد منعم يعاني أزمة صحية خطيرة قد تودي بحياته ويحتاج إلى عملية جراحية عاجلة , فضلاً عن التأثير القاتل لنبأ اعتقال منعم على صحته , منعم أرسل قبل اعتقاله رسالة مصورة بخصوص حالة والده :

أنا مخنوق وخايف على منعم ومش قادر أعمل حاجة , من فضلكم شاركوا بوضع اللافتات دي في مدوناتكم أو اعملوا لافتات تانية لأني مش بتاع تصميم ولا نيلة .

وشكراً بالمناسبة لجماعة الإخوان المُكَلّفين على موقفهم الرائع والمشرف من اعتصام الامس .

بانر أفقي إنجليزي :
 <a href="http://ana-ikhwan.blogspot.com">FREE Egyptian blogger Abd Al Moneim Mahmoud” /></a> 

بانر أفقي عربي :

 <a href="http://ana-ikhwan.blogspot.com"> /></a> 

بانر للشريط الجانبي إنجليزي :

 <a href="http://ana-ikhwan.blogspot.com">FREE Egyptian blogger Abd Al Moneim Mahmoud ” /></a> 

بانر للشريط الجانبي عربي :

 <a href="http://ana-ikhwan.blogspot.com">FREE Egyptian blogger Abd Al Moneim Mahmoud ” /></a> 

بانر رأسي كبير إنجليزي

 <a href="http://ana-ikhwan.blogspot.com"> /></a> 
بانر رأسي كبير عربي :

 <a href="http://ana-ikhwan.blogspot.com"> /></a>

اثنان وعشرون ساعة في عربة ترحيلات

asad — Wed, 28 Mar 2007 10:26:58 +0000

بيقولك عشرة ملايين مصري خرجوا يوم الاثنين وتوجهوا إلى مراكز الاقتراع للمشاركة في الاستفتاء على تحديث دستور مصر , بس تقريبا كانت الدنيا ضلمة ومحدش أخد باله من العشرة مليون وهم خارجين من بيوتهم.

ما علينا ..

في البدء كانت عربة الترحيلات , جيمي هود وأنا وضابط بأمن الدولة يطلب بطاقتينا الشخصيتين ثم يقول بلهجة الناصح الأمين :” أنتم شباب جامعي وشكلكم أولاد ناس ؛ سيبتوا إيه للصيّع ؟!” حينها قلت له إننا لسنا من الصيع وإننا نمارس حق التظاهر الذي تكفله الديمقراطية وكل مواطن من حقه أن يقول نعم أو لا فقال لي طيب ليه ما رحتوش النقابة ؟! . لكنني الآن أصدقك القول عزيزي الضابط : إننا نحن الصيّع بعينهم .ضابط مباحث يصعد إلينا :” إحنا شباب زي بعض وكلها عشر دقائق وتمشوا ” .

أشاهد من النوافذ الضيقة مجموعة من رفاقنا يتحركون في هدوء جنائزي تحت إشراف الأمن منسحبين إلى ميدان طلعت حرب بعد أن صار واضحاً مصير كل من تسول له نفسه الاقتراب من ميدان التحرير , أطلب من جيمي أن يبدأ الغناء ونقطع الوقت بالضحك والتندر على المارة ورجال الأمن ولا سيما ذاك الذي أصدر أمر القبض على جيمي لا لشئٍ سوى أنه رآه مرة على شاشة الجزيرة ! .

مرت ساعتان وبدأت أشعر بالملل , العربة لا تزال في مكانها مع وعود ضابط المباحث بالإفراج الفوري , تعمل المحركات فجأة فأسأل أمناء الشرطة المرافقين عن وجهتنا فيقول أحدهم إنهم سيفرجون عنا في باب الشعرية ! ولا تسَل عن السبب ؛ إنها الداخلية المصرية فحسب . لكن العربة تستمر في المسير وتتجول بنا في شوارع القاهرة على غير هدى : تتوقف في مكان ما ثم تسير إلى مكان ثان لتعود أدراجها إلى الأول ؛ حتى بدا واضحا أنهم قد ابتُلوا بنا ولا يعرفون ولم تأتهم أوامر بخصوص كيفية التصرف في شأننا ولا يريدون أن يعرف الناشطون الآخرون مكاننا ,أسأل أحدهم بصبر نافذ عن معنى ما يفعلونه فيتعلل بانتظار مكالمة من حبيب العادلي .

تسير العربة طويلاً ونبدأ في محاولة تخمين المكان الذي نتجه إليه من خلال قراءة اللافتات : سجن ترحيلات الخليفة , أكاديمية مبارك للأمن – حيث نكون حقل تجارب لتدريب الطلاب الجدد – أمن الدولة بمدينة نصر , محكمة مش عارف إيه , قسم شرطة القاهرة الجديدة ... إلخ .

في القاهرة الجديدة نأخذ في الصياح وركل جدران العربة كلما توقفت ؛ وخشية من افتضاح أمرهم يقرر الضباط التحرك فوراً إلى مكان آخر حتى ألجأناهم آخر الليل إلى الصحراء الجرداء التي ليس فيها زرع ولا ماء كما يقول كتاب القراءة للصف الثالث الابتدائي , كان المشهد مقلقا في ظل ظلام حالك و أرض خلاء – لا يُجاب فيها منادٍ ولا يُغاث ملهوف – . معتقلان اثنان ضد بضعة عشر ضابطا وشرطياً وبدأتُ في التحسب لما هو أسوأ بما في ذلك سيناريوهات عبد الحليم قنديل ورضا هلال .

بعد الثالثة فجراً يدخل ضابط المباحث حاملاً علبتي كشري من ” أبو سماح “, يبدو فخوراً ومعتزاً بنفسه , يرسم ملامح الفرسان والنبلاء على وجهه بينما يخبرنا أنه رغم كل شيء يحترم إنسانيتنا و”يراعينا كبني آدميين” ولهذا فقد أحضر لنا الكشري , قلت له المسألة مش مسألة كشري سيادتك , عليك أن تنقلنا إلى مكان معلوم وواضح ” إيه المكان اللي احنا فيه ده ؟ إنت كدة خاطفنا في الصحرا !” إسود وجهه وقال إن الأمر ليس بيده , فكرت في أن أسأله عما إذا كان مثل مأمور قسم الضاهر اللي يا عالم بيعرف يدخل الحمام لوحده ولا بيحتاج أمن الدولة تشطفه برضه ؟! لكنه سارع بالمغادرة .

بمرور الوقت كان لابد من ممارسة فعل بيولوجي حتمي ولم تكن هناك أية إمكانية لذلك بدأ جيمي يصرخ ويصيح, هددنا بالتبول تحت الباب الذي يقبع خلفه عشرة من الجنود وأمناء الشرطة إذا لم يذهبوا بنا إلى أي مكان مناسب فكانت الإجابة : افعلوا ما شئتم حيث شئتم . و ما كنا لننفذ تهديدنا ؛ فقمنا بإفراغ زجاجة ماء الشرب لنستخدمها في التبول .

انسحب الضباط إلى فيلا داخل المدينة فرضوا أنفسهم ضيوفاً على صاحبها , وبدأ الباقون من العناصر الأمنية في اتخاذ التدابير المناسبة للنوم والاقتتال على ما معهم من ملابس وأغطية محشورين في مساحة لا تزيد على ثلاثة أمتار مربعة بمؤخرة العربة ؛ فأيقنا أننا سنبيت ليلتنا على هذه الحال , نجح جيمي في النوم أحيانا لكنني فشلت في ذلك ؛ كان البرد في الصندوق الحديدي المظلم قاسياً بحيث لم يمنعني من النوم فحسب بل نغّص عليّ يقظتي بآلام شديدة في العظام .

سمعت الجنود وأمناء الشرطة يرثون لحالنا ويؤكدون لبعضهم أن هذا اليوم هو أصعب وأوسخ يوم خدمة في تاريخهم مع وزارة الداخلية , وقد كانوا رجالاً وجدعاناً معنا ولا أريد الإسهاب أكثر حتى لا يعلم حبيب العادلي أننا نجحنا في تجنيد رجاله !

جاءت ساعات الصباح الأولى بمزيد من البرد وتأخر الضباط النائمون في العسل عن الحضور إلينا لكن ما خفف من الأمر تواصلنا صوتيا مع زملائنا في عربة الترحيلات الأخرى التي اكتشفنا وجودها إلى جوارنا, ترتفع المعنويات بينما يصيح كريم الشاعر ليخبرنا أن الزملاء في الخارج يعرفون مكاننا وأنهم حضروا إلى هنا وصوروا ضباط الداخلية وهم نائمون , نهلل بفرح وشماتة في الضباط المختومين على قفاهم ونبدأ في السخرية من درجاتهم المتدنية في الثانوية العامة , تأتي الأستاذة ولاء سعدة في سيارتها الخاصة مع فتاة أخرى – بناء على توجيهات وزير شئون الأسرى محمد الشرقاوي – فيبهت بلطجية حبيب العادلي ويتجمعون حولها في ذعر بينما نصيح فيهم : بنتين ثبتوكوا يا رجالة خرفان

كل ضابط فيهم كان فاكر نفسه الضابط المجرم الـ محصلش وفرحان إنه عرف يخبينا في الصحراء في مكان هو نفسه ما يعرفوش أساساً بعد عشرين ساعة من محاولات التضليل ليجد فتاتين تداهمانه وسط الصحراء ويقع في شر أعماله , بعدها جاؤوا إلينا وطلبوا تعصيب أعيننا حتى يتم الإفراج عنا بدون أن نعرف المكان الذي نحن فيه , فقلت للضابط نحن بجوار محمية الغابة المتحجرة وغمي عيني بجملة الفضايح اللي اتفضحتوها النهاردة , ولم يفرجوا عنا مباشرة بل ذهبوا بنا إلى عربة باقي الزملاء , وعندما قرروا الإفراج عن الجميع قالوا لنا سننزل واحداً منكم كل فترة !

- هنا في الصحرا ؟
- لأ طبعا هو احنا كفرة ؟ ما بنحسش ؟ معندناش دم ؟ ننزلكم هنا إزاي ؟ أنتم إخواتنا هتنزلوا على الطريق وفيه مواصلات!

مفيش عشرة متر ولاد الكلب الكفرة راحوا منزلين أول واحد !

جاء الدور علي فنزلت إلى الضابط الذي سلمني بطاقتي الشخصية وسألته عن طريق العودة فقال لي امشِ في أي اتجاه ! اركب أي عربية تلاقيها رايحة أي حتة ! وأخذ يعتذر لي :

- معلش يا عمر !
- طيب خلاص.
- حقك عليّ يا عمر !
-ولا يهمك يا عم.
- والله ما هو بإيدنا يا عمر!
- خلاص يا سيدي.
-إحنا معاكم يا عمر!
-..... وكنت قد تركته وأخذت أشق طريقي في الصحراء.

ركبت بعد طول انتظار مع سائق سيارة نصف نقل حتى قابلت الشرقاوي في سيارة أخرى تقودها إحدى الزميلات وواصلنا البحث عن باقي المفرج عنهم قرابة ساعتين على الطرق الصحراوية .

الناس اللي ساعدونا وسألوا عننا ووقفوا جنبنا مش هينفع أشكرهم عشان عيب ومش هينفع أقول أساميهم عشان كتير

لي تعليق أخير بخصوص ما قيل هنا و هنا وهنا وهنا :

- تأسيساً على كوننا من البشر ؛ من المفهوم أن يخاف أحد أو يمرض أو يتكاسل أو حتى يجبن ويتراجع تحت ضغوط معينة , لا أرحب بعقد المحاكمات ولا ألوم أحداً من القيادات أو غيرهم على عدم الحضور, فكما قال عم أحمد الجدع جدع والجبان جبان , وهذا الميدان يا حميدان كما قال أهل نجد . لسنا عيالا ولا حاجة بنا إلى السادة القيادات كنا قد كلامنا ونزلنا ومش مهم مين جه ومين مجاش .

- الأصل في مثل هذه الفعاليات أنها فرض كفاية ؛ إذا قام به البعض سقط عن الباقين – إذا قامت الكفاية بهذا البعض – وبالتالي يُترك الأمر لضمائر الناس وتقديراتهم الذاتية , لم نكن نعيب على أحد الانسحاب لاي سبب يخصه ؛ لأن دافعا ذاتيا يوجد لدى الجميع وسيبقى في النهاية عدد تقوم به الكفاية إذا تخلف أصحاب الأعذار وحدهم , لكن نسبة المتخلفين تزداد في الآونة الأخيرة ؛ لدوافع الشعور باليأس وعدم الجدوى أكثر من أي شيء آخر .

- ليس صحيحاً أنني دعوت لهذا الاعتصام بشكل منفرد , كتبت الدعوة واتصلت ببعض النشطاء لحثهم على نشرها لكنني لم أكن وحدي بل كنت مع مجموعة كبيرة من الزملاء, ولا أريد الآن أن أذكر من شاركوني التفكير والإعداد ؛ فهي تهمة لا أنكرها ومسئولية لا أتهرب من حملها .

-صحيح أن الدعوة لم تكن في البدء باسم كفاية , ولكن ليس صحيحاً أنها لا تتحمل أية مسئولية عنها فلجنتها التنسيقية امتنعت عن تنظيم أية فعالية مواكبة للاستفتاء في القاهرة مكتفية بالدعوة إلى المشاركة في الاعتصام , ومنسقها العام د.عبد الوهاب المسيري صرّح للصحف بأن كفاية ستنظم اعتصاماً بميدان التحرير , وكذا صرح منسقها المساعد جورج اسحاق .

ويا ريت نتكلم في حاجة منتجة أحسن .

أخيراً دي خريطة للموقع الصحرواي الذي قضينا الليل فيه داخل عربة الترحيلات قريبا من ” حي عربية ” – يمكنك تحريك الخريطة وتكبيرها – حتى يعلم حبيب العادلي أن رجالته خرفاااااان وما يعملش فيها ناصح وحويط مرة تانية :

لا يدعم المستعرض الذي تستخدمه الإطارات المضمنة أو تمت تهيئته حالياً حتى لا يدعم الإطارات المضمنة.

وبرضه :

اقرأ أيضا ما كتبه رفاق السجن :

جيمي هوود

عمر سيزر

تأجيل محاكمة الكلب إسلام نبيه إلى الثاني من أبريل

asad — Sat, 03 Mar 2007 16:37:29 +0000

النهاردة كنت في دار القضاء العالي لحضور محاكمة ~~الكلب~~ إسلام نبيه
حكتب لقطات وتفاصيل موجزة
~~الكلب~~ كان في القفص هو وأمين الشرطة رضا فتحي :
تصوير عمرو عبد الله
- نبيه ورضا نفوا التهمة الموجهة لهم :" محصلش يا أفندم" .
- حولي عشرة محامين حضروا للدفاع عن ~~الكلب~~ .
- اعتمد الدفاع على الربط بين قضية إسلام نبيه ~~الكلب~~ وقضية الأستاذة هويدا طه باعتبارهما جزءاً من حملة منظمة هدفها الإساءة للنظام وتشويه سمعة مصر عن طريق نشر مشاهد التعذيب الملفقة على الانترنت , وطعن الدفاع في الخبير الذي انتدبته النيابة لمقارنة صوت ~~الكلب~~ بالصوت الوارد بالشريط وقال محامي ~~الكلب~~ إنه سيقدم للمحكمة نسخة من الشريط بها نفس المشاهد مع تركيب أصوات أخرى ؛ لإثبات أن التلفيق ممكن الحدوث ! واستشهد دفاع ~~الكلب~~ بفيلم الأقوياء لرشدي أباظة الذي تم استكمال تصويره بعد وفاة أباظة وتمت الاستعانة بدوبلير مع تركيب صوت رشدي أباظة على المشاهد !
- أحد محامي ~~الكلب~~ استشهد بالحكم في قضية ضابط إمبابة الذي تمت تبرئته وزعم أن هذا كان لاقتناع المحكمة بفبركة المشاهد , لكنه لم يوضح لماذا حكم على أمين شرطة بالسجن سنة في نفس القضية !
- أثناء المحاكمة جلس ~~الكلب~~ إسلام نبيه وأمر أمين الشرطة بالجلوس أيضاً وعندما لاحظ القاضي ذلك وبخه وأمره بالوقوف .
-حضر والد ~~الكلب~~ وهو مدير أمن سوهاج في الفترة من 95 ~~97 ( مطلوب إخراج ملفاته هو كمان أكيد هذا الكلب من ذاك ال*** ).~~
تم إخراج ~~الكلب~~ من قفص المحكمة أثناء الاستراحة دون باقي المتهمين .
- تأجلت القضية إلى 2/4/2007 .

الكلب إسلام نبيه داخل قفص بدار القضاء العالي صباح السبت .. والدعوة عامة

asad — Fri, 02 Mar 2007 18:18:56 +0000

    الضابط إسلام نبيه – الخنزير السادي اللي عذب عماد الكبير – هيتحاكم بكرة و الدعوة لعموم أهل مصر الشرفاء

محكمة جنايات الجيزة – دار القضاء العالي شارع 26 يوليو

العاشرة صباح السبت 3 مارس

العادلي-فيديوجيت : حفلات تعذيب جماعي في أقسام الشرطة

asad — Thu, 22 Feb 2007 19:04:33 +0000

واضح إن فعاليات مهرجان القاهرة الدولي لأفلام التعذيب لا زالت مستمرة

أنا مش عارف أقول إيه ؟ لسة فيه معنى للكلام أصلاً ؟
واحد زميلي في الجامعة جاي فرحان بيحكيلي على ابن عمته الضابط , ابن عمته مسك واحد معتقل عنده وقلعه هدومه وعمل فيه يه نفس اللي اتعمل في عماد الكبير وصوره فيديو وماشي يفرح أصحابه وقرايبه !
وائل عباس نشر من شوية فيديو بيبدأ كدة :

خلص المشهد ده ؟!
أيوة خلص
وظهر الخنزير ده فرحان ومبتهج:

خلص التصوير في المشهد ده ؟ أيوة خلص
وظهر الخنزير ده قبل المشهد الثالث :
كان بيقول إيه الخنزير ده ؟
كان بيقول :" بعد ساعة " ! أيوة بعد ساعة ؛ المشهد السابق استمر لمدة ساعة والبيه بيستخدم تقنية معروفة في إخراج الأفلام الوثائقية والروائية وبينبهنا لمرور الزمن بدل ما يضطر يصور الساعة كلها فبيقطع التصوير وبيقولنا بعد ساعة تماماً زي ما مصطفى شحاتة في فيلم قسم الهرم كان بيضرب الضحية بناء على أوامر أحد زملائه الذي تقمص دور المخرج السينمائي وأخذ يصيح : ستوب .. كلاكيت , تماماً برضه زي الداخلية ما أعلنت إن مشهد الفتاة المعلقة لم يكن أكثر من مشهد تمثيلي !
فين يوسف شاهين يتفرج على الممثلين والمخرجين و المصورين والفنانين الموهوبين اللي الداخلية بتعينهم ضباط شرطة من باب إظهار احترام الوزير الإنسان حبيب العادلي للفن والثقافة ؟

إيه اللي حصل بعد ساعة كاملة من التعذيب في المشهد الأول ؟
ده اللي حصل :

نسخة مع الشكر للسيد اللواء / أحمد ضياء الدين , المتحدث باسم وزارة الداخلية وحامي حمى ميثاق الشرف الصحفي .

تصوير حسام الحملاوي

وقفة رجالة في عيد الشرطة ضد البلطجة والانتهاك, الرابعة أمام نقابة الصحفيين

asad — Wed, 24 Jan 2007 10:07:17 +0000

بكرة الخميس 25 يناير عيد الشرطة !
زمان في 25 يناير 1952 , الشرطة المصرية كان فيها رجالة , المحتلين الانجليز حاصروهم في مبنى محافظة الإسماعيلية , صمدوا, قاموا, استشهد منهم خمسين , اليوم ده بنعتبره عيد الشرطة المصرية التي بتدافع عن البلد والناس ضد أعداءهم.
دلوقتي الشرطة المصرية بقت جهاز رسمي للقمع والانتهاك , رجال الشرطة البواسل أصبحوا قطاع طرق نظاميين وبلطجية مرخصين , يعتقدون أن تحقيق الأمن يبدأ من مؤخرات المواطنين , ويسلّون أوقات فراغهم بتوصيل أسلاك الكهرباء إلى أجساد المعتقلين !
حسني مبارك بيعمل احتفال رسمي لتهنئة رجال الشرطة الحاليين اللي بيحموا كرسيه وبيظبطوا المسائل لجيمي من بعده , حسني مبارك بيحتفل بظباط التعذيب وفرق الكاراتيه وجحافل الأمن المركزي , احنا هنحتفل بالشهداء اللي ماتوا وهما بيدافعوا عن البلد , ونطلب من رجال الشرطة الشرفاء – لو لسة موجودين – يشتغلوا بضمير وينضفوا الداخلية أو يستقيلوا ويكشفوا للمجتمع كل اللي زمايلهم الفاسدين المجرمين بيعملوه .
لو لسة عندنا أمل في مصر نضيفة بتحترم ولادها وبتديهم حقهم , ورجال "أمن" بصحيح , تعالوا معانا , هنكون موجودين يوم الخميس أمام نقابة الصحفيين الساعة الرابعة عصراً , عايز أشوفكم .

http://harakamasria.org/node/8949
http://tortureinegypt.net/node/1050
http://sharkawy.wordpress.com/2007/01/24/police_black_day/
http://www.egymasr.com/?p=71
http://asad.blogsome.com/2007/01/24/happy_police_day/

مش هنسكت يا حسني : بالصور و تقارير الطب الشرعي وزارة الداخلية قتلت الشهيد محمد عبد القادر

asad — Sat, 20 Jan 2007 18:34:32 +0000

إلى كل مصري لا يريد أن يستيقظ يوماً على نبأ اكتشاف مقبرة جماعية لضحايا سفاحي أمن الدولة

إلى أي "رجل رشيد" وجد نفسه – بطريق الخطأ – مسئولاً في وزارة الداخلية وأجهزة النظام المباركي

إلى كل إنسان يحترم حقوق الإنسان وآدميته

إلى كل من يهمه الأمر

بتاريخ 16 سبتمبر 2003 قام النقيب بمباحث أمن الدولة المدعو/ أشرف مصطفى حسين صفوت باستدعاء المواطن / محمد عبد القادر السيد – رحمه الله – وشقيقه سامح إلى قسم شرطة حدائق القبة ؛ بناء على أمر اعتقال غير قانوني , حيث تعرّض محمد عبد القادر لتعذيب بشع من المجرم المذكور أدى إلى وفاته بعد خمسة أيام من تاريخ اعتقاله , ولا يزال شقيقه سامح معتقلاً حتى الآن.

رفض أهل المجني عليه تسلم جثته ولجأوا إلى جمعية المساعدة القانونية التي أبلغت النيابة , وأثبت الطب الشرعي بعد معاينة جثة الشهيد محمد عبد القادر أنه تعرض لإصابات " بكدمات محمرة وتجمع دموي بالشفاة السفلي والحلمة اليسري والرسغ الأيمن والساعد الأيمن والصدر والذراع الأيسر والفخذ الأيسر والساق اليسري (..)و انسكابات غزيرة بالرأس والبطن وهي إصابات ذات طبيعة رضية حدثت من المتصادمة بجسم أو أجسام صلبه (..) وتلك الإصابات حيوية حديثة تعاصر تاريخ الوفاة".

وأكّد تقرير الطب الشرعي وجود "تقدد وتأثير حراري" في الثدي الأيمن والأيسر والقضيب يشبه التأثير الناتج عن الصعق بسلك كهربائي , حيث تعرض لهذه الإصابات قبل ساعات من وفاته .

خلال متابعة القضية واجه محامو جمعية المساعدة القانونية صعوبات كبيرة تمثلّت في منعهم من الاطلاع على النسخ الكاملة للتحقيقات – بالمخالفة لقانون الإجراءات الجنائية – وامتناع وزارة الداخلية عن تنفيذ عدد من قرارات ضبط وإحضار الضابط المتهم , وفوجيء المحامون في جلسة 4 نوفمبر 2006 بقيام أهل المجني عليه بإلغاء التوكيلات القانونية وتنازل الأسرة عن الإدعاء بالحق المدني ضد الضابط ؛ بعد تعرضهم لضغوط ومساومات مفادها : الإفراج عن ابنهم الحي مقابل التنازل عن حق ابنهم الميت !!

وهاهو جلاد وقاتل آخر يوشك أن يفلت من العقاب ؛ ليعيث قتلاً وتنكيلاً وصعقاً في المزيد من المواطنين المصريين داخل سلخانات أمن الدولة ومجازرها البشرية, وليتأكد يوماً بعد يوم أن النظام المباركي يرعى الجلادين ويغطي على جرائمهم ويمنحهم الحماية بما يشجع زملاءهم على انتهاك الناس واتباع سياسة التعذيب الممنهج .

الفرصة الأخيرة للحفاظ على حق الشهيد محمد عبد القادر – وحق المجتمع – وحق بناته الثلاث , هي تدخل النائب العام المستشار عبد المجيد محمود ,و الوصي على مصالح البنات القصّر رئيس نيابة الأسرة للولاية على المال – حدائق القبة – باتجاه استمرار الدعوى ضد المجرم والإفراج الفوري عن سامح شقيق الشهيد , حيث تنعقد جلسة المحاكمة التالية في الثالث من فبراير القادم .

إننا نحمّل كافة الجهات المسئولة ومنظمات المجتمع المدني – والمجتمع المصري بكامله - المسئولية القانونية والأخلاقية الكاملة المترتبة على الآثار الخطيرة الناتجة عن انعدام العدالة وضياع الحقوق وفشل الطرق الشرعية والنظام القضائي المصري في معاقبة المجرمين من ضباط الشرطة , وإذ نضع هذه الجهات أمام مسئوليتها نعرض للرأي العام من واقع التقارير الأصلية للطب الشرعي صور الإصابات التي لحقت بجسد الشهيد محمد عبد القادر وأدّت إلى مقتله تحت التعذيب.

تغطية بالانجليزية من موقع عرباوي

أرشيف البيانات والتصريحات الصحفية الصادرة عن جمعية المساعدة القانونية منذ بدأ القضية .

وقِّع على هذه المناشدة وأرسلها لمن تستطيع

نقلاً عن كفاية

فضيحة تعذيب جديدة في مصر صوت وصورة على التليفزيون الكندي

asad — Sat, 23 Dec 2006 00:59:50 +0000

مواطن مصري لم تعلن هويته حتى الآن , كان قد قدم طلب لجوء سياسي إلى كندا التي أعادته إلى مصر حيث قال إنه تعرض للتعذيب , وعرض تلفزيون CTV الكندي مشاهد تظهر آثار التعذيب على جسد المواطن المصري الذي كان يتوسل الكنديين لإنقاذه .
القضية بيتم تسويقها بشكل طائفي على إنها جزء من " اضطهاد المسيحيين " وحاجات كدة ما بتنزليش من زور , بس طبعاً مطلوب التحقق من جدية الموضوع حتى لو كان مدفوعاً من جهات غير بريئة تتصل بأقباط المهجر أو غيرهم .
حسب ما شاهدته هناك اهتمام رسمي كبير بالقضية في كندا , و سفير النظام المباركي هناك – اسمه محمود السعيد - قال كلمتين خايبين من الحديث النمطي التقليدي المعتاد لأي مسئول حكومي بقف لطخ .
التفاصيل من CTV وفيه الفيديوهات ومقابلات مع محامية الضحية ووزير الهجرة الكندي والسفير المباركي وناس تانية :

Man claims torture in Egypt after refugee claim turned down

اكتشاف هوية عماد ضحية التعذيب , وقعة أمك سودا يا ” أبو عصاية “ـ !

asad — Fri, 08 Dec 2006 22:36:14 +0000

عماد محمد على كبير , 21 عاماً , سائق بموقف ناهيا , هو ضحية فيديو التعذيب الشهير :

تعرّض عماد للاعتقال والتعذيب الذي رأيناه لأنه استفسر من الباشاوات عن أسباب اعتدائهم بالضرب على ابن عمه في الشارع , وتعرض شقيق عماد للاعتقال التعسفي بعد أن رفض دفع رشوة خمسة جنيهات لأمين شرطة !
عماد الآن خائف , ويتعرض للتهديد بانتهاك أهله لإجباره على التنازل عن حقه , فلنكن معه , ولنعِد له حقه ولأنفسنا الثقة في قيمة ومعنى ما نفعل .
الجريمة تمت تحت إشراف المدعو إسلام نبيه معاون مباحث قسم بولاق الدكرور . وتولى تصوير الواقعة بالموبايل أمين الشرطة المدعو رضا فتحى السيد .
التفاصيل كشفها الصحفي بالفجر وائل عبد الفتاح بمشاركة كمال مراد , تستطيعون قراءتها كاملة عند شرقاوي .
ولئن أمكننا الله منكم لأجعلنكم على عصاية واحدة يا كلاب الداخلية , إن موعدكم الصبح أليس الصبح بقريب ؟!

صور جديدة للتعذيب : إن موعدكم الصبح يا جلادي الداخلية

asad — Thu, 30 Nov 2006 20:32:30 +0000

فضيحتان جديدتان موّثقتان بالصور للتعذيب في سجون مبارك , الأولى تعرض لها مواطن يبلغ من العمر 54 عاماً بالفيوم على يد بلطجي بمليشيات مباحث أمن الدولة الإرهابية وحسب ما نشره موقع إخوان الفيوم :

قام الضابط هشام فهيم ضابط أمن الدولة بأبشواى بضرب وتعذيب المواطن محمود أحمد على
جارحى 54 سنة موظف بالوحدة المحلية بالعجميين وأب لستة أبناء بعد أن تم اختطافه
أثناء قيامه بزيارة لابنته المتزوجة حديثاً حيث قام المخبران محمود عبد
السلام وأشرف باختطافه وتعصيب عينيه ثم اقتياده إلى مقر أمن الدولة بأبشواى وتم
ضربه بشدة وبقسوة على وجهه وركله بالأقدام حتى أغمى عليه وتمت إفاقته بالماء ثم
ضربه وتعذيبه مرة أخرى لإجباره على الاعتراف بمشاركته فى الوقفة الاحتجاجية التى
أقامها النائب حسن يوسف نائب أبشواى ويوسف الصديق تضامناً مع ضحايا مجزرة بيت حانون
الإسرائيلية
وقد قام الضحية بتحرير محضر بالتعذيب فى نيابة أبشواى حيث تم عرضه على مستشفى أبشواى العام والتى أفاد تقريرها بوجود آثار تعذيب وسجحات فى الرقبة والظهر و مارست ميليشيات مباحث أمن الدولة الإرهابية ضغوطاً على المستشفى لجعل التقرير ينفى وجود التعذيب وقد طلب المواطن من النيابة عرضه على الطبيب الشرعى لإثبات الإصابات والسجحات التى أصيب بها .
الفضيحة الثانية لإرهابيي الداخلية هذا اليوم كشفها المدون محمد مصطفى عبر جريدة مصر الحرة الإلكترونية , حيث تعرض عدد من نزلاء سجن بورسعيد العام للتعذيب والضرب من قبل ضباط السجن , وتمكنت مصر الحرة من تصوير أحد الضحايا خلسة داخل حمام النيابة وهو التابعي التابعي إبراهيم محمد , وذكر محمد مصطفى أن " هؤلاء المساجين تم الاعتداء عليهم بالضرب والتعذيب بالشوم و المواسير الحديد بعد رش مواد مخدرة على أعينهم حتى لا يقاوموا ولا يتعرفوا على من يقوم بتعذيبهم " .
وقامت والدة التابعي بتقديم بلاغ للنيابة , وشكوى أخرى لمدير أمن بورسعيد بوزارة الداخلية الإرهابية , و لجأ بلطجية حبيب العادلي إلى تلفيق قضايا أخرى للضحايا بزعم ارتكابهم جرائم داخل السجن في محاولة للضغط عليهم بعد تقديم الشكوى للنيابة .

الجزيرة تعرض مشاهد التعذيب التي نشرتها المدونات المصرية وتناقش القضية في ” ما وراء الخبر ” ـ

asad — Fri, 15 Sep 2006 20:16:27 +0000

عرضت قناة اليوم حلقة من برنامج ما وراء الخبر تناولت استخدام الانترنت في فضح ممارسات التعذيب في الدول العربية , وبثّت في مقدمة البرنامج المشاهد الأربعة الشهيرة لإهانات يتعرض لها معتقلون مصريون , والتي انتشرت على الانترنت في الفترة الأخيرة وكان لجريدة الوعي المصري الإلكترونية الفضل في نشر معظمها على نطاق واسع .

واستضاف البرنامج المدوّن والمخرج الأمريكي داني شيكتر , المجرم الجلاد اللواء فؤاد علام و الناشط الحقوقي التونسي عامر العريض , و ظهرت في التقرير بعض مواقع مناهضة التعذيب و بشكلٍ خاص موقعtortureinegypt.net  , تحدث المشاركون في محاور عدة شملت التأثير المتصاعد للانترنت في كشف الانتهاكات و التحول النوعي من الشهادات والروايات المكتوبة عن وقائع التعذيب إلى المشاهد المصوّرة , إضافة إلى مدى مصداقية هذه التسجيلات وإمكانية اعتمادها كأدلة إدانة قانونية في المستقبل .

تحديث : يتوفر تسجيل صوتي ونسخة نصية من الحلقة هنا .

! يا رب : يا تاخدنا يا تاخدهم

asad — Thu, 31 Aug 2006 21:55:19 +0000

يا رب !

يا رب يا تاخدنا يا تاخدهم !
لا أدري هل سمعتُ هذه العبارة أم قرأتها ؟ على الأرجح سمعتها أو قرأتها أكثر من مرة بحيث بدا أن عدداً متزايداً من الناس وصل إلى حافة الهاوية .
ذات مساء صيفي لزج – في مدينة مصرية ما – وقفت سيارات شرطة , يرافقها عدد من ضباط البوليس ذوي الرتب العليا , وعدد من العساكر والمخبرين .
وقفوا في الميدان الأكبر و الأكثر ازدحاماً بالناس , الهدف من هذه المأمورية كان تحرير أكبر عدد ممكن من المحاضر بما يرفع أسهم السادة الضباط في حركة تنقلات الشرطة .
وعليك كمواطن صالح حريص على استقرار الوطن و استمرار مسيرة التنمية أن تكون مطيعاً ومتجاوباً فالأمر كله في صحة الوطن والباشا الضابط طبعاً .
وقف رجال " الأمن " في وسط الميدان كبلطجية مرخصين , أو قطاع طرق نظاميين , يوقفون السيارات والمارة ليتفحصوا وجوه الناس ومن لم تعجبهم " خلقته " أو تسريحة شعره أو فقر حاله يسحبونه بغتة ليجد نفسه محاطاً بعدد من الثيران يفتشونه تفتيشاً يطال كل شبر من جسده وملابسه بشكل قاسٍ ومهين وغير مبرر , أشك في أن استشهادياً سيواجه مثله فيما لو ضُبط على حاجز تفتيش صهيوني !
وبينما تجري عملية التفتيش العبثية عليك أن تجيب عن عدة أسئلة في وقت واحد فيما تتلقى التحية الرسمية على وجهك وقفاك .
هكذا بكل خسة ونذالة وسادية وقف الخنازير يركلون البشر ويضربونهم على أقفيتهم وسط عشرات المارة من المواطنين الصالحين .
أوقفوا شاباً فقيراً , أهانوه و مارسوا عليه أساليب الإرهاب المعتادة ثم قرر الباشا لسبب ما أن يتركه يمضي لحال سبيله وبدل الاعتذار له ودعوه بصفعة مدوية على قفاه ! كأنما يبصقون في وجوه الجميع قائلين : الشعب على جزمة الشرطة !
عشرات الكادحين والصنايعية والفواعلية والأفندية – على حد سواء- نزلوا من الميكروباص في نهاية يوم عمل شاق ليتلقوا على حين غرة سيلاً من الإهانات والتهديدات والشلاليت والتحقيقات حول أسباب سيرهم في الشارع ودواعي خروجهم من بيوتهم ومبررات بقائهم على قيد الحياة في مصر مبارك , لم يعترض أحد منهم بكلمة أو نظرة أو إيماءة !
انحشر عشرات المختطفين في سيارتين , وضمن الباشاوات حصيلة جيدة من محاضر التحري والاشتباه , وضمنوا أيضا تقفيل بعض قضايا الجرائم المعلقة التي لا يريدون إجهاد أنفسهم بالبحث عن مرتكبها الحقيقي .
بعد ذلك ربما حان موعد العشاء , أو تأخر أحد رجال " الأمن " على لقاء غرامي , فأجبروا سائق ميكرباص كان ماراً بالصدفة على إنزال الركاب , وشحنوا المُختطفين معه ; لإفراغ سيارات الشرطة حتى يركبها العساكر في طريق عودتهم إلى القسم .
ما معنى أن يُختطف عشرات الناس ويبيتوا خارج بيوتهم بعيداً عن أبنائهم ويتعرضوا للإهانة وتلفيق القضايا , فقط لأن ابن قحبة ما يرغب في تحسين وضعه الوظيفي ؟
في أي مستنقع قذر نعيش ؟ من أي شيء خلق الله هؤلاء الضباط ؟
أحد الضباط الذين رأيتهم يشاركون في الجريمة , عقيدٌ كان قد قابلني ذات مرة عند اعتقالي لأسباب سياسية , بدا ودوداً و أخبرني بأن اسمي على اسم ابنه , لكن اتضح أنه مجرم شأن باقي بلطجية الداخلية , لعله يعتقد أنه يحمي بلاده ويقوم بأداء واجبه الوطني .
أيها الراقدون تحت الجزم :
كلبٌ ابن كلب كل من يتلقى الصفعات على قفاه بخشوع ونفس راضية , ابن حرامٍ كل من يحني ظهره ليركبه بلطجي دفع خمسين ألف جنيه ليدخل كلية الشرطة .
لا يستحق الحياة من لا يرد الصفعة بصفعتين .