Asad

أسد يعزّل إلى المدونة الجديدة

asad — Tue, 06 May 2008 14:29:18 +0000

مساء الفل

المدونة دلوقت هناك :

الله أكبر .. 3 سنوات سجناً لإسلام نبيه

asad — Mon, 05 Nov 2007 12:15:50 +0000

لسة راجع من المحكمة حالاً

3 سنين سجن مع الشغل لإسلام نبيه ورضا فتحي أمين الشرطة في قضية تعذيب عماد الكبير

مبروك يا بلد DD

حقك رجعلك يا عماد

اللهم العن أئمتنا وولاة أمورنا !!

asad — Sat, 06 Oct 2007 03:45:41 +0000

أجدني أقولها كلما وقفت خلف "إمام موظف" يدعو لولاة أمرِه وأولياء نعمته أو يثني عليهم ويتملّقهم بين يدي الله – سبحانه وتعالى- غير عابيءٍ بجلال المقام وسوء عاقبة النفاق ، ولا أدري أصدّق ولي أمرنا المبارك وأجهزة حكمه أنهم ممّن يقيم شرائع الله ويسعى لإعزاز دينه وإعلاء كلمته ؟

أحسب القوم أنفسهم مكلفين بالذبّ عن حِياضِ الدين و مقارعة أهل البدع والأهواء من الفرق الباطنية دفاعاً عن صحيح السنة و الاستقامة على منهج السلف الصالح ؟!!

هل صار حبيب العادلي حامي حمى أهل السنة والجماعة ؟!

وإلا ففيمَ تحقق نيابة أمن الدولة العليا مع رجل تتهمه بـ"تلاوة تسابيح في الركعتين الثالثة والرابعة في الصلاة" ..؛ على خلاف السنة يعني !!

كفوا أيديكم عن أعراض المسلمين يا فجرة وانزعوا عصيّكم من أدبارهم ، ثم انظروا في أمر المتسننة والمبتدعة !!

سموأل أبو سحلة والملف الأخضر !!

asad — Fri, 31 Aug 2007 02:30:12 +0000

مين الظباط اللي خطفوا محمد الشرقاوي وعذبوه ؟

واحد منهم هو الرائد سموأل ابو سحلة !:

أنا طبعا متفهم جدا الأزمة اللي ممكن طفل يمر بيها لما يخرج للدنيا يلاقي عيلته اسمها أبو سحلة وهو اسمه سموأل ، بس ده مش معناه إنه يجنح للانحراف ويبدأ في استخدام الورق المقوى أثناء تعذيب المعتقلين السياسيين . .

المهم يا جماعة ، في المرحلة الأخيرة لاحظنا تطورا جديداً في حالة الرائد سموأل أبو سحلة بقسم قصر النيل ، حيث تم رصده أثناء استخدام دوسيه أخضر !!

سموأل طول الوقت كان ماسك الدوسيه الأخضر وكل شوية يبصله أو يفرج زمايله بتوع أمن الدولة عليه أو يغطي به وشه لما حد ييجي يصوره

الأمر الذي لفت إليه أنظار المصورين ومراسلي وسائل الإعلام – نظراً لتاريخه المعروف مع الورق المقوى – إلا أن عدداً منهم استعبدوا أن يكون أبو سحلة قد لجأ إلى استخدام الدوسيهات الخضراء كاداة تعذيب وانتهاك ، ورجحوا أن الأمر متعلق بعدة احتمالات أخرى منها :

(1)أن يكون الدوسيه الأخضر هو ملف أحد النشطاء في مباحث أمن الدولة ، أو ملفاً فارغاً يسعى أبو سحلة لملئه باسم أحد الوجوه الجديدة التي جاء لاصطيادها تمهيداً لاستدراج الشخص المعني إلى قسم قصر النيل حيث اتخذ أبو سحلة من مقر القسم وكراً لممارساته السادية :

أبو سحلة يراقب احد المتظاهرين ممسكاً بالملف الأخضر

(2) أن يكون الدوسيه الأخضر وسيلة جديدة لحماية الضباط المتهمين بالتعذيب حيث رصد المراقبون قيام أبو سحلة بتغطية وجهه باستنخدام الدوسيه كلما لاحظ قيام أحد بتصويره أو تغامز فتاتين حول ما بات معروفا عنه بين سكان وسط المدينة، في مجتمع لا يرحم ولا يتسامح مع الشواذ جنسياً:

(3) أن يكون الدوسيه الأخضر هو ملف خدمة الرائد أبو سحلة شخصياً بعد أن تسلمه من الداخلية التي قررت نقله إلى إدارة المطافي ومنعه من التعامل مع الجمهور ؛ حفاظاً على ما تبقى من سمعة ضباطها ذوي الميول الجنسية السوية ، ويظهر في هذه الصورة سموأل أبو سحلة وهو يعرض الملف الاخضر على أحد كبار ضباط مباحث أمن الدولة في محاولة لإقناعه -على ما يبدو – بالتوسط لإبقاء سموأل في الخدمة وعدم إحالته إلى الاحتياط او نقله إلى الدفاع المدني :

أخي المدون ساعد رابطة محبي سموأل أبو سحلة بوضع هذا البانر في مدونتك :

أخي المواطن : لا تتردد في الاتصال بـ 122 عند رؤيتك للرائد سموأل ابو سحلة ، أو معرفة أي معلومات عن محتويات الملف الأخضر ، وشكرا لتعاونكم معنا .

احملوا السلاح واقتلوا قتلة الأطفال في مصر

asad — Fri, 17 Aug 2007 22:58:13 +0000

د.يحيى القزاز

يا نظام سافل وحقير
نظام مبارك انتهك الأعراض وقنل الأطفال وجرف مصر وباعها للأعداء، نظام خائن لا يستحق إلا القتل. نظام لم يرحم الأطفال، وقتلهم في أقسام الشرطة، ماذا ننتظر؟ هل ننتظر حتى يأخذوا بناتنا وأمهاتنا وزوجاتنا سبايا في أقسام الشرطة ينتهكون أعراضهم؟ فماذا ننتظر إذن؟ لابد من حمل السلاح وضرب بالنار كل معتد أثيم، واستخدام السلاح الأبيض لمن لا يملك بندقية. لأننا مقتولون ومنتهكون فلماذا لانموت بشرف?

أى كلب وذئب بشرى لا يعرف الرحمة يقتل طفلا، هل يقبل وزير الداخليه قتل طفله أو حفيده، هل يرضى مديرو الأمن أن يقتل اطفالهم وأبناؤهم وأحفادهم، وينتهك عرض زوجاتهم وبناتهم وأمهاتهم؟ أقسم بالله لن يعود هذا النظام إلى رشده، ويكف عن سوء فعله إلا إذا رأى الجزاء من صنف العمل، من قتل الطفل محمد ممدوح يجب وأن يقتل، ودم الطفل إن ضاع هدرا سيعقبه أطفالا كثيرون. احملوا السلاح واقتلوا كل من قتل أو شارك في القتل.

لا أخشى شيئا، أنا لست محرضا، أنا أدعو إلى إحقاق الحق، والقصاص من نظام فقد رشده وصوابه وأقر شريعة الغاب. دور الشرطة حماية الشعب، وليست حماية الكلاب في النظام، كل من اُعتدى عليه أو على أطفاله أو أبنائه عليه بحمل السلاح وتعقب الجناة ومحرضيهم، نظام أوجد خصومة وثأرا شخصيا بين الشعب سفلة النظام. ماذا صنع الطفل محمد ممدوح ليقتل يا أيها الكلب خفير الداخلية، أعلم أنك وأنكم محميون بالسلطة، ولا تستطيعون أن تسيروا في الشوارع كما يفعل بقية البشر، تظلون حبيسو بيوتكم كنسوة القرون الوسطى، جبناء كخفراء الداخلية السابقين والقاعدين على ظهر الحياة في خوف وبعيدا عن الأنظار.

طفل يقتل ولم يهتز النظام، ولم يدلى رئيس النظام الصوري مبارك، ولا الرئيس الفعلى ولده جمال بكلمة واحدة، لأن الشعب لايهم عندهم، قتل الله أبناءك يا مبارك وأحفادك وعشت على ظهر الحياة تقاسي لوعة حرقة فلذة الكبد والعزلة عن البشر، واعلم أن أيامك محدودة واقتربت، وسيبيعك ونجليك وزوجتك أول من تحتمى بهم، فاحترس ممن وثقت فيهم، فهم أدرى بخباياك وخفاياك. يا أيها الحقير والحقراء، هانت عليكم أطفال الوطن، نهايتك سيئة يا سفالة الرئيس، وانتظر وسترى، وماذلك على الله بعزيز، ودعوة المظلوم لاترد، حسبنا الله ونعم الوكيل.

احملوا الأسلحة واقتلوهم، وإن لم تقتلوهم سيقتلوكم، المسألة صراع على الحياة بين أفراد النظام الكلاب وبين المواطنين. محمد ممدوح لن يكون أول الأطفال المقتولين ولن يكون آخرهم، وغدا طفلي وطفلك ، حفيدى وحفيدك، ماذا ننتظر. وكن باعه مبارك ونظامه، خانوه وسلموه للصهاينة، وسجنوا الشيوخ والشباب. عذبوهم وقتلوهم في السجون، واليوم يقتلون الأطفال، وغدا يغتصبون نساءنا في الأقسام ويقتلونهم. جهاز أمنى فاجر يفاخر بأنه يضبط الجماعات الأرهابيية، وينكل بأهل سيناء وسيوة، ويعجز عن معرفة مصير الصحفى "رضا هلال"، يا سلام على كفاءة وزارة الداخلية، تصبط أنظمة إرهابية ذات تقنية عالية، وتعجز عن معرفة مصير صحفى مختفي منذ سنتين.

لتكن الحرب أو الثأر على من ظلم واعتدى. يا أهلى من وقع تحت طائلة الموت لا يخشى الوقوع تحت طائلة القانون. طفل يقتل في قسم الشرطة، ورئيس الدولة الكلب وأنجاله وأفراد نظامه الكلاب ينامون مرتاحى الضمير، هل هؤلاء بشر، هل يعرفون معنى الأبوة وغلاوة الإبن فلذة الكبد. الموت لأعداء الحياة، ولتكن مصر أنهارا من الدم، إذا لم نتحرك اليوم فغدا سنرى نساءنا أمامنا يغتصبونهم ليعلموننا الأدب وكيفية الصمت، وسنرى أيضا أطفالنا يقتلون ويغتصبون أمامنا. هل مطلوب اللجوء للأمم المتحدة وتدويل المشكلة لحل القضايا، على الذين يختزلون مصر في النظام ويدافعون عن النظام باسم مصر، ما رأيهم فيما يحدث، آه يا نظام ما يختشيش يا كلاب يا ولاد الكلاب، كيف يقتل طفل ولا بيان يصدر من مؤسسة الرئاسة ولا توضيح من كلاب الحراسة.

آه نيران تحرق قلبي، وأدمع تتساقط من عينى كالثكلى، آه إنني أرى فيه إبني.. والله إبنى، يا ولاد الكلب يا سفلة يا احقر خلق الله، السلاح ولا غير السلاح والضرب في المليان في كل معتد أثيم

(2)

آه يا بلد ما فيكيش إلا تلبانة واحدة !

asad — Tue, 07 Aug 2007 05:54:26 +0000

شهرين فاتوا ما كتبتش فيهم حاجة ، آخر تدوينة كانت خبر خروج عبد المنعم ومن بعدها بطلت ، مش عارف ليه بالظبط بس كنت قرفان وحاسس إن الكتابة ملهاش فايدة ، لسة حاسس بده دلوقتي بس مش هيبقى ملناش فايدة وملناش صوت كمان على الأقل لما ييجي جيل بعدنا يبقى اسمنا اتكلمنا وما سكتناش .

النهاردة 7 أغسطس ، الجرايد كل يوم بتنشر في أخبار التعذيب والأساليب المبتكرة اللي الخنزير حبيب العادلي بيطبقها في أقسام الشرطة ، آخرها حرق الناس بجاز – حرفياً – ، عدد القضايا التي وصلت إلى وسائل الإعلام وحظيت بتغطية واسعة ستاشر قضية تعذيب في شهر يوليو بس ، فيه أضعافها قضايا ما بتوصلش للإعلام أو بتوصل ومبتتغطاش ، ده غير إننا بنتكلم عن قضايا أدت إلى قتل المواطنين أو إصابتهم بشكل بالغ مع إن المئات من عمليات التعذيب بتحصل يومياً في مصر كلها من نوعية الضرب والتعليق والاحتجاز في ظروف لا تليق بالثدييات .- مش هقول البني آدمين – .

معلش هاخد من وقتكم شوية دي مجموعة منتقاة من مانشيتات الصحف بداية من 1 يوليو ، اتفرجوا على المشهد الإجمالي يمكن نحسه بشكل مختلف عن المتابعة الجزئية :

.

ده بعض المعلن في شهر واحد يا مؤمنين !!

لو عايشين في مسلخ يمكن الإنتاجية هتكون أقل من كدة ، أنا عايز أعرف الباشاوات الرجالة الدكُرة اللي شايلين نسور ودبابير على كتافهم ، عايشين فين ؟ وبيتجوزوا مين ؟ ولادهم معانا في المدارس والجامعات ؟ بنشوفهم ونسلم عليهم في الأفراح والمآتم ؟ بنمشي جنبهم في الشوارع و ونصلي معاهم في الجوامع والكنايس ؟!

بياكلوا أكلنا ويلبسوا زينا ؟ ممكن يكونوا قرايبنا وجيراننا ؟ أساميهم نفس أسامينا ؟

يعني التعذيب كان حاجة مرتبطة بالنشاط السياسي المناهض لنظام الحكم ، وكانت الناس بتمشي جنب الحيط وتبعد عن القسم وتغنيله ، دلوقت التعذيب ديليفري ، يعملوا إيه طيب ؟ ينتحروا يا ريس ؟ بس المشكلة مش هتلاقي حد تحكمه !

الداخلية خلت التعذيب ممارسة يومية روتينية ، حاجة عادية جدا بتحصل في كل مكان كل وقت بشكل طبيعي بديهي زيها زي الطعمية وعصير القصب ، الباشا من دول يصحى الصبح – معرفش يقوم بالواجب مع المدام – يروح القسم يعلقله اتنين تلاتة في " الاصطباحة " وزيهم بعد الغدا ، يا ريت حبيب العادلي يعرف إن الظباط بتوعه ابتزوا وفد اتحاد الأطباء العرب الإغاثي اللي كان رايح للفلسطينيين المحتجزين في رفح وطلبوا فياجرا مقابل السماح للقافلة بالمرور في الأكمنة ونقاط التفتيش ، وأخدوا الفياجرا فعلا رايح جاي .

طيب يا ريس انت دلوقتي داخل على تمانين سنة ، مواليد 28 ، من دور شارون يعني ، وإنت عارف اللي بيحصل للناس في سنك ، فيعني ما يجراش حاجة في الآخر كده لو قلت للجماعة يخفوا إيدهم شوية ما إنت قعدت براحتك ستة وعشرين سنة محدش قالك بتعمل إيه .

و إنت يا جمال بيه هتتصرف إزاي بعد ما تشيل مسئولية البلد ؟ بعد ما فضلت ساكت دلوقتي ؟ هتعمل هيئة إنصاف ومصالحة زي الواد بتاع المغرب ؟ التعذيب اتفضح وطلعت بلاوي بس عمل نفسه مش واخد باله إن ده كان ايام أبوه ! احنا ما نرضاهاش لك ولا للحج ربنا – ربنا يكرمه بقى – فيعني يا ريت تشوفوا الموضوع من دلوقتي وأهو يبقى بإيدكم وبمزاجكم قبل ما يبقى غصم واقتدار يا بيه وبعدين الموضوع مش كويس عشان مركزك قدام الناس برضه، يعني الست الغلبانة اللي جابوها تحضنك وتتصور معاك دي، مش بعيد يكون أمين شرطة مستفرد بعيل من عيالها في قسم دلوقتي :

والباشا حبيب العادلي ، أكبر باشا فيكي يا بلد ، مش واخد بالك إنك جبت الكلام للراجل الكبير وهو مش ناقص فضايح يعني ؟ و ساكت عليك بعد كل البلاوي اللي حصلت في طابا وشرم ودهب ، تقوم تسرح صبيانك يقلوا قيمته ويجيبوله الشتيمة ؟ يا أخي خاف على أكل عيشك إنت والعرر اللي شغالين معاك ، "المختلين" في البلد ياما زي ما انتو راسيين والواحد فيكم ديته رصاصة طايشة باتنين جنيه من واد حرقتوا أبوه ولا اغتصبتوا أمه..

والله يا ريس إنت وجمال بيه وحبيب باشا – ومالكم عليا يمين – أنا لا عندي أمل قلبكم يرق ولا ربنا يهدي حد فيكم أنا عارف إنكم من أكبر كلب لأصغر مخبر ولاد وسخة ، بس خافوا على نفسكم يعني ، إش حال لو ما كنتش حاضر وشايف يا ريس يوم ما اللي قبلك اندبح في وسط جيشه ؟!

وبعدين لمؤاخذة أنا مش خايف عليكم ولا بنصحكم ، أنا خايف على أهلي وأصحابي والناس اللي بحبهم ؛ ما هي البلد لما تولع مش هتولع فيكم بس ، هتولع باللي فيها يا ريس .

الناس سايباكم أكلين شاربين سارقين لا حد بيقولكم بتعملوا إيه إزاي ولا صرفتوا كام فين؛ فخلوا عند اللي جايبينكم دم بقى مش تبقوا سارقين فلوسنا قاعدين بيها في مارينا وشرم وتبعتوا البلطجية بتوعكم يعذبونا في بيوتنا، أو يعني على الاقل خلوا للتعذيب للعيال الثورجية وبتوع المظاهرات – احنا بنعمل كده بمزاجنا ومستعدين نستحمل – ، عملوا إيه الغلابة والفلاحين اللي انتوا راكبينهم ومطلعين ميتين أمهم من خمسين سنة وما قالوش آه ؟!

النهاردة الناس في تلبانة حرقوا القسم ، وقبلهم الناس بتوع قسم المنتزه كسروه :

مش بعيد بكرة نلاقي قسم محروق وظابط مباحث مشنوق على أول كل شارع .

منعم نايم في بيته يا بلد !!

asad — Fri, 01 Jun 2007 23:47:55 +0000

الله أكبر ولله الحمد

فلتُرفع البانرات واللافتات مفيش Free Monem خلاص

خلاص يا عبد الفتاح ما تسخنش , منعم ظهر يا نورا

عبد المنعم في بيته من الساعة 2:15 فجر السبت 2/6/2007

حمد لله على السلامة يا منعم يا واحشني

ويسقط حسني مبارك ابن الو***

يحيى سامي حامد و محمد سليمان…ما تشد الحيل يا قاضي !!

asad — Fri, 01 Jun 2007 05:46:18 +0000

يحيى سامي حامد و محمد سليمان , عيال إخوانجية رجالة وجدعان أصحابي وحبايبي وعمري ما شفتهم ولا قعدت معاهم , كل اللي عرفناه عنهم صورتين كانوا أيقونات هوجة القضاة , هيومان رايتس ووتش عملت معاهم مقابلات أخيراً في إطار تقريرها الأخير :"مصر:شهود على القمع" .

محمد سليمان :

ويحيى سامي حامد :

في الذكرى السنوية الأولى تحية للرفاق أسرى الحرية , لرصيف المنطقة المحررة ولحق الشرقاوي , وأحلى مِسا لزكريا باشا والرجالة :

عبير العسكري بتدون !

asad — Tue, 29 May 2007 15:52:47 +0000

بنت من أجدع بنات مصر , أميرة الأخوات في بلطجية من اجل التغيير , وأول وزيرة للإعلام في حكومتي – لما تتشكل بعد ما نقلب نظام الحكم ونقيم دولة مدنية بمرجعية تنظيم القاعدة - أخيرا وافقت تدون بس بعد ما راحت كندا

بس إيميلاتها القديمة (abeer8@gmail.com , abeeralaskary@gmail.com ) اتسرقت ؛ فمحدش يبعتلها حاجة عليهم

غريبة بس مش خايفة

عاجل : عضو بكفاية يعتزم أكل سندوتش فول صباح اليوم !

asad — Sun, 27 May 2007 17:43:34 +0000

الصحافة المصرية حاجة تشرح القلب الحزين والله يا ولاد , في الأول

روز اليوسف :

والأهرام :

الامر الذي دفع د.خالد منتصر في مقال بالدستور إلى التساؤل عما كانت الأهرام ستفعله إذا كانت الأخت عضوة نشطة بلجنة السياسات مثلاً ؟!

والنهاردة المصري اليوم الغرّااااااااااااااء نشرت الخبر التالي :

حريق في مكتب عضو بحركة كفاية

شب حريق مساء أمس الأول، في مكتب عضو بحركة كفاية، تمكنت قوات الدفاع المدني من السيطرة علي الحريق، ورجحت أن يكون سببه ماسا كهربائيا في الجزء الخارجي بجهاز التكييف. تحرر محضر بالواقعة، وأخطرت النيابة التي قررت انتداب المعمل الجنائي لمعرفة سبب الحريق.

وقال محمد حافظ عطية «٥٢ سنة» مهندس معماري وعضو بحركة كفاية، إنه تلقي اتصالاً تليفونياً من حارس العمارة يبلغه بأن حريقاً شب داخل مكتبه الكائن بالعمارة رقم ٥١٣ امتداد شارع الأهرام، دلت التحريات علي أن الحريق وقع داخل مكتب المهندس وامتد لغرفة ملحقة به، ورجحت التحريات وقوع ماس كهربائي بجهاز التكييف.

هما أعضاء كفاية دول إيه ولمؤاخذة ؟ يندرجوا تحت أي تصنيف يعني ؟ مش مواطنين عاديين زيهم زي غيرهم يجري عليهم ما يجري على باقي البني آدمين ولا الشعب المصري ينقسم إلى بشر أسوياء , وأعضاء بحركة كفاية ؟

من فينا ليس عضو في نادي كذا وطالب بجامعة كذا وساكن في حي كذا وشغال في جهة كذا وعضو بجمعية البتاع من أجل المش عارف إيه وابن العائلة الفلانية ومنتمي للحزب العلاني ... إلخ

اشمعنى بقى هبل الصحافة المصرية ما بيظهرش إلا مع أعضاء كفاية ؟

ولأن الشيء بالشيء يُذكر شاهدوا مثلاً هذا الخبر المعجزة من صحيفة "عين " :

الجرايد دي مش لاقية حاجة تعملها ولا إيه ؟

كارت متابعة دقن !

asad — Wed, 16 May 2007 14:45:26 +0000

يوم الاتنين اللي فات كنت طالع من المدينة القميئة اللي اسمها الزقازيق ورايح على المدينة الأشد قمئاً اللي اسمها القاهرة ...

وفي كمين اسمه كمين ميت يزيد فوجئت بإجراءات أمنية مشددة لم يشهد لها هذا الكمين مثيلاً طوال خمس سنوات من التردد شبه اليومي على هذا الطريق , أمر الباشا سائق الميكروباص بالتوقف وتفرس في وجوه الركاب فلم يُعجب بأحد سواي :

- بطاقتك

_ اتفضل

_انزل ..

ونزلت مع الباشا الذي قادني إلى باشا آخر وجدته محاطاً بعدد كبير من اللحى !!

الباشا الكبير يأمر مجموعة من الباشاوات الأصغر رتبة : ودي الشيخ ده أمن الدولة , ابعت الشيخ ده المركز , رجع الشيخ ده ورا , طلع الشيخ ده فوق , نزل الشيخين دول تحت ...

حتى ظننت- من كثرة الشيوخ – أنني في المركز العام للجمعية الشرعية !

توجه إلي أحد الباشاوات قائلاً بطاقتك فقلت له الباشا الأولاني خدها فوجدته يسأل وبراءة الأطفال في عينيه :

بتتابع مع مكتب أمن دولة ولا لأ ؟

يا نهار أسود

بتابع !!؟

فوراً قفزت إلى رأسي هذه البطاقة :

بعد شوية جاء باشا إلى الباشا اللي كان واقف معايا وقاله انتهاء يا باشا , فسأل الثاني من باب التأكد : انتهاء يا باشا ؟ ليعود الأول من باب التأكيد : انتهاء يا باشا !

هنا انفرجت أسارير الباشا وقال لي خلاص اتفضل يا عمر فعدت إلى الميكروباص بينما بعض الباشاوات الصغار يهنئونني بسلامة الله ويبدو أنهم فرحوا لإفلاتي من مصير الشيوخ الذين سبقوني قبل أن تأتي إشارة الانتهاء !

في الميكروباص الذي كان قد انتظرني – بناء على أمر الباشا – مش جدعنة من السواق يعني دخلت على الإخوة الركاب صائحاً: أصلنا في عزبة أبوهم !!

نظر إليّ كهل خمسيني بحكمة الشيوخ وقال لي : ده عشان دقنك ؟ ما تحلقها يا أخي !!

فنظرت إليه نظرة حرصت على أن تجتمع فيها كل مظاهر الغضب والحماسة وتهور الشباب ونزقهم وقلت : وشي وأنا حر فيه ! هما هيشاركوني ؟!

فسكت الرجل الوقور الذي تآكل ذراعه الأيمن لطول مشيه جنب الحيط .

بس استنى هنا يا عم الباشا

هو أنا عشان محلقتش دقني الصبح يبقى لازم اكون متابع مع مكتب أمن الدولة ؟!

طب أهو : خلي الداخلية تنبسط

من سجن مصر العمومي إلى سجن طرة .. سلام يا منعم

asad — Wed, 16 May 2007 05:16:27 +0000

النهاردة الصبح بعد الفجر نزلت أشتري الجرايد , الزقازيق مليانة لافتات ترحيب بسي أحمد نظيف اللي جه أو لسة هييجي مش عارف , قرفان ومتضايق وعندي امتحانات الأسبوع الجاي ولسة ما فتحتش كتاب .

في الدستور لقيت تدوينة منعم اللي بعتها من السجن قال كلام كتير جميل وقال اسمي كمان بين الناس اللي باعتلهم السلام .

اقروا تدوينة منعم وانشروها ويسقط حسني مبارك ابن الحرام .

سلام من وراء القضبان
من سجن القاهرة المحكوم بطره اكتب أولي تدويناتى السجنية ..في هذا المكان الذي تختلط فيه المشاعر والأحاسيس بين الظلم والأسر والشوق للحرية ..للأصدقاء والشوق للوحة الكيبورد التي كنت اعزف من خلالها صورة مقرؤة ومرئية لمصر

أكتب وانا انظر للقضبان التى تحول بيني وبين الحرية ..تحول بيني وبين أصدقائي وعملي ومدونتي ..حتى انها تحول بيني وبين السماء الصافية فقد ارتسمت علي سحبها هذه القضبان التى حتى لم تترك القمر في عيني حرا

في هذا المكان الكئيب احاول الهروب منه في التفكير في أناس وأماكن وإعمال يربطني بهم الود وعندما احاول ان احاكيهم واتفاعل معهم ياتي السجان ليغلق باب الزنزانة بعنف ليذكرني انني محروم منهم وليس لي ان القاهم الا في الخيال

أبي وأمي

في هذا المكان يثور عقلي ليلا ونهارا وأتذكر والدي الذي لا استطيع ان اراه وهو ايضا في هذه المرة عاجزا ان يراني فقد اعياه المرض واقعده خبر اعتقالي للمرة الثالثة فاصبح اسير احدي اسرة المستشفيات بالاسكندرية

اما امي التى كان حضنها لي في هذا المكان يخفف كل الام السجن مر النهر ولم استطع ان اراها لانشغالها برعاية والدي لكن عزائي ان الله عزوجل من وراءهم حفيظ وارحم بهما مني

مدونتي انا اخوان

تلك المدونة التى تفزع هذا النظام المهترا ؟..يااااااااه كم اشتاق اليها فقد كانت هي شريكة حياتي ، افكر فيها طوال الليل واعمل لتطويرها في النهار

اسلام لطفي كان دوما يقولي المدونة ده جنتي

أنا أخوان . رسالتى لنفسي ولشباب الاخوان والمجتمع …كنت اريد ان الاخوان بشر يحملون نفس الاحلام فال ..نشرب ..نجلس علي القهوة ..ندخل السينما ..نتظاهر …ندون للحرية

انا اخوان ..رسالة انسان مصري ينتمي لحركة اصلاحية ..بيحب مصر ويريدها ان تتحرر من الاستبداد والديكتايورية والفساد

انا اخوان ..رسالة مصرية للتعايش شيوعي …قبطي ..علماني ..اخواني ..المهم بيحب مصر

ولأصحابي سلام

وصلني تضامن كثير من الناس منهم الأصدقاء اللي اعرضهم ومنهم ناس لا اعرفهم ولا هم كانوا يعرفوني بس كتبوا عني واعلنوا عن تضامنهم معي والمطالبة بالإفراج عني لكن أحب في البداية ابعت سلامي واشواقي لشلة الثقب وخاصة محمد. واسلام …مفتقد دردشة محمد اوي ..يااااااه فاكر نبقي سهرانين طول الليل وتيجي توصلني وبرده نقعد نحكي تاني واخرك علي البيت

اسلام لطفي اللي كنت مغلبه معايا بعد القصاص ..تعالي نروح نتغذي هنا ونروح لفلان -طيب ااقولك ايه مش عين شمس جنب اكتوبر (بيته )!!تعالي وصلني وحنرجع بسرعة والله وحشتنب غلاستك اوي يا اسلام

وكمان لازم أوجه الشكر لناس كتير مش بس اللي تضامنوا معي واللي سالوا عني وعن امي ووالدي

-ايمان الزميلة الوفية اللي بتشيل يلاطلبة لما بدخل السجن وكما ربنا يكرمها بتجمع لي اوراق الدبلومة من الكلية

-خالد سلامة : المفكر الكبير اللي وداني في دهيه وقعد يشجعني دون يا منعم – اكتب يا منعم ماشي يا عم خالد شفت اخرتها المحكوم

-وشكر خاص لمدونين فاقت علاقتنا الشبكة العنكوبتيه

علاء سيف ومحمد عادل واسد واحمد عبد الفتاح وحسام الحملاوي وشرقاوي ونورا يونس ووائل عباس وسامي غربية في تونس وناس كتير اوي ثانية

وشكر خاص لمارك لينش اللي يعتبر اول كاتب غربي يرصد فكرة مدونات الاخوان وكتب عن اخوان التدوين في الجارديان

-وشكر خاص للاخت الكبري والصديقة العزيزة الصحفية نادية ابو المجد اللي بيوصلني سلامها علي طول

- وسط البلد

الحب مش شرط يكون بين البشر بس – فيه علاقة عاطفية قوية بتربط الناس باماكن معينة ..انا بعشق وسط البلد

بحب اوي طلعت حري وباب اللوق وعابدين والسيدة ..والتحرير والمنيرة والقصر العيني ياااااااااااه والله وحشني شاي عم سعيد علي الندوة الثقافية واكل شلبي او حتى مؤمن وكمان وحشني سندوش ” كروك مسبو ” والبرتقال من عند كوستا اللي جانب الجامعة الامريكية

وانا قاعد سرحان مع المدونة علشان هناك فيه “واي فاي”

واخر الليل اروح لبتاع الجرايد اللي في شارع المنصور علشان اكمل الليلة علي الجرايد

-وحشني صحبي القصاص

محمد القصاص القلب الكبير واعز واغلي الاخوان والاصحاب لما دخل القصاص السجن مكنتش قادر اتخيل اني يمر علي ليلة من غير ما اشوفه لدرجة اني كنت كل شوية اطلع رقم تليفونه علي الموبايل علشان اكلمه لكن يرد التليفون انه مغلق فافتكر ان القصاص في السجن ومش هقدر اني اكلمه

بس كان فيه فرص اني ازوره هناك

ولما تم القبض علي اللي هون علي اني هتحبس معاه في مزرعة طرة ، لكن كنوع من تكبر امن الدولة قرر انه يفرق بينا وروحنا اقذر سجن في مصر ” المحكوم ”

والله ليك وحشه يا ابو القصاقيص

-سارة وانس وسلمان وحبيبة ..ايمن عبد الغني

من فترة قبل حبسي كتبت عن صاحبي الكبير المهندس ايمن عبد الغني المحال مؤخرا لللقضية العكسرية

ايمن زميل برش قديم -اتحبست معاه اول مرة في حياتي سنة 2003 وبعد كده 2006 -المهندس ايمن الكبير السن والمقام قلبه زي الطفل رقيق قوي وبيحب اخوانه جدا وكان مسخر نفسه وبيته وزوجته لخدمتنا في السجن

كان دائما يسيب عياله في الزيارة يلعبوا معي ومع امي علشان يعرف يقعد شويه مع زوجته

في السجن انا ارتبطت جدا باولاده بداية من سارة المشاغبة وانس وسلمان وحتى حبيبة اللي عمرها سنتين

لما كنت بشوف ولاده المرة كان كان سليمان يقول هو انت ليه مش مع بابا في السجن اصل سلمان واخواته تعودوا رؤيتي في السجن دائما مع ابيهم

واديني دخلت السجن يا عم سلمان بس مع مع بابا ومش قادر اشوفك بس والله وحشتني جدا

-مدوني الاخوان

يمكن التدوين عند الاخوان بدا في وقت متاخر اوي لكنهم في وقت قصير استطاعوا انهم يبرزوا انفسهم وفكرتهم بشكل راقي

استطاعوا ان يطرحوا صورة انسانية عن جماعة الاخوان المسلمين وعبروان عن انتمائهم بكل حرية وجراة

واتمني ان التجرية تكون بتمنوا اكثر واكثر

وخاصة مدونة انسي اللتى استطاعت ان تنافس الاعلام التقليدي للدفاع عن المحالين للقضاء العسكري وايضا الشباب والبنات القائمين علي مدونات ضد العسكرية سعد وخديجة واسماء وبلال وال شوشه ومعاذ

وايضا شباب الاخوان المدونين ؟؟ ابن تاج -صوت عصفورة -لسان مولوتوف -يلامش مهم -وابن خلدون

ياشباب انتم اصبحتم تشكلون جيل من الاخوان واصبحتم مسئولين عن تقديم صورة انسانية عن الجماعة -جيل جري هيقدر يشيل هم الاصلاح في البلد دي

-بحبك يا مصر

رغم كل اللي حصل سجن وتعذيب وفساد وفقر -برضه بحبك يامصر -يمكن اكون فكرت اسيبك – لكن مقدرش اكرهك ابدا

بحبك يا مصر وعايزك حرة وحفضل ادون واكتب واتظاهر لحد ما تبقي حرة

الأحد : محاكمة إسلام نبيه في دار القضاء العالي والدعوة عامة

asad — Sat, 05 May 2007 14:49:52 +0000

صباح غد الأحد 6 مايو تشهد محكمة جنايات الجيزة بدار القضاء العالي وقائع الجلسة الثالثة لمحاكمة السادي الشاذ إسلام نبيه أحد ضباط وزارة الداخلية المصرية .

وقائع المحاكمة تسير بشكل جيد حتى الآن ومن المحتمل أن تصدر المحكمة حكمها في هذه الجلسة .

السادي الشاذ إسلام نبيه قام أحد معاونيه بتصويره أثناء ارتكابه جريمة تعذيب الرجل عماد الكبير بإدخال عصا في مؤخرته :

شاهد تقرير الجزيرة عن جلسة المحاكمة الثانية :

خد قرطاسك يا مدون !

asad — Sat, 05 May 2007 00:42:10 +0000

طيب هي الداخلية قررت الاحتفال بطريقتها وضربت كرسي في الكلوب وجابت شوية عساكر ولواءات وبلطجية وفرق كاراتيه وعربيات إشي أمن مركزي على ترحيلات على مطافي على إسعاف !!, بس احنا قلنا الكلمتين اللي كنا عايزين نقولهم وحاولنا نعمل الواجب مع جيمي في فرحه .

وزي ما وعدناكم إن كل واحد من المشاركين هياخد القرطاس الرسمي للعزبة فيه ملبس وسوداني وبتاع ؛ اتفضلوا خدوه :

دي تغطيات للفرح ...

خالد البلشي :
الداخلية تحيى الفرح الموازى وتمنع النشطاء
حسام الحملاوي :
Wedding cancelled الداخلية تحيى الفرح الموازى وتمنع النشطاء
الحاج أبوجمال :
حشود قوات الغفر النظامية تقيم احتفلا مهيبا بميدان طلعت حرب
إيمان بنت البلد :
خديجة آه .... اعتقال لاااااااااا
BBC :
ظلال سياسية لزفاف جمال مبارك
أسوشيتد برس :
Wedding feeds debate on Egypt presidency
المصري اليوم :
المدونون ينظمون «زفافاً موازٍياً» لزواج جمال مبارك في ميدان طلعت حرب
في البلد :
المدونون يحتفلون بزفاف جمال و"موني"
إسلام أون لاين :
إلغاء حفل زفاف جمال مبارك.. في القاهرة!
العربية.نت :
المدونون المصريون أقاموا فرحا موازيا ... جمال مبارك وخديجة الجمّال في عش الزوجية بإمضاء وزير المخابرات
الوقت البحرينية :

(1) الشرطة منعت «مهنئين» رفعوا شعار «خديجة آه.. مصر لأ» ...مبارك احتفل بعيد ميلاده وزفـاف الابن في يوم «خاص جـداً»

(2) مبروك يا جيمي.. خديجة آه.. مصر لا

الدعوة عامة يا جدعان لفرح جمال باشا مبارك

asad — Mon, 30 Apr 2007 13:23:16 +0000

هما ما دعوناش وعملوا الفرح في شرم الشيخ عشان ما نروحش بس لزماً وحتماً نحتفل بالبيه الصغير بعد ما ربنا فك عقدته وهيكمل نص دينه – بافتراض وجود النص الأولاني -, هنعمله فرح يعني شربات وزينة وأغاني !! فرح بجد احنا بنفرح لأي شاب مصري بيكون نفسه ويتجوز , ومش بنتدخل في حاجة شخصية م الآخر هنقوله ألف مبروك يا جمال بس كفاية عليك خديجة واصرف نظر عن موضوع مصر .

لقراءة الدعوة الصادرة عن عزبة الحاج أبو جمال اضغط على أحد البانرين ونقي واحد منهم وحطه في مدونتك وربنا يتمم بخير

ولو حد برجوازي متأمرك بيكتب فرانكوآراب يبقى يحط البانر ده

تضامنوا مع عبد المنعم محمود أمام نيابة شبرا الخيمة صباح الثلاثاء

asad — Sun, 22 Apr 2007 21:56:29 +0000

المدون والصحفي المصري عبد المنعم محمود, يُعرض صباح الثلاثاء 24/4/2007 على نيابة شبرا الخيمة للنظر في تجديد حبسه على ذمة قضية لفقتها مباحث أمن الدولة التي كانت قد اقتحمت منزل عبد المنعم في الإسكندرية , ثم اختطفته من على متن طائرة صباح الأحد , حيث كان متوجهاً في رحلة عمل لصالح قناة الحوار البريطانية لإعداد برنامج عن الحريات في العالم العربي.

ودعت – الحركة الشبابية المصرية لمناهضة الاعتقال (مش هتاخد) – للتجمع السلمي أمام نيابة شبرا الخيمة في الحادية عشرة صباحاً تضامناً مع عبد المنعم محمود وطلاب معهد التعاون الزراعي المحالين للتحقيق على خلفية نفس القضية الملفقة.

أنا كمان إخوان يا أمن دولة خرفان

asad — Sun, 15 Apr 2007 18:11:14 +0000

في الثالثة والنصف فجر الجمعة منعم يبدو متصلاً على Gmail chat يرسل لي فجأة رابطاً لتدوينة على إنسى ,و يقول :-

- أسد قد تكون اخر من اتكلم معه علي النت لمدة لا اعلمها
- إيه اللي حصل ؟!

- أمن الدولة لسه ماشي من البيت في الاسكندرية وهم يبحثون عني الان في القاهرة
- طيب فيه إيه ممكن نعمله ؟

- الدعاء ...

وذهب منعم .

تاركاً أباه المريض وأمه وحيدين , اختطفته ميليشيات كلاب مباحث أمن الدولة في مطار القاهرة من طائرة كانت متجهة إلى لندن فجر الأحد حيث يعمل منعم مندوباً لقناة الحوار .

وأمرت نيابة شبرا الخيمة قبل ساعات بحبس عبد المنعم 15 يومأ على ذمة التحقيق في قضية ملفقة لبعض طلبة الإخوان الذين اتهمهم كلاب أمن الدولة بتنظيم عرض عسكري في معهد التعاون الزراعي بشبرا الخيمة ! ونفى عميد المعهد نفسه هذه التهمة عن طلابه , ولا أدري على أي أساس تم إلحاق منعم بقضية معهد التعاون الزراعي ؟!

منعم سبق أن تعرّض للتعذيب بيد كلاب أمن الدولة عام 2003 , لا توجد الآن أية ضمانات لسلامته

شاهد منعم يروي وقائع تعذيبه في مؤتمر القاهرة الخامس :

والد منعم يعاني أزمة صحية خطيرة قد تودي بحياته ويحتاج إلى عملية جراحية عاجلة , فضلاً عن التأثير القاتل لنبأ اعتقال منعم على صحته , منعم أرسل قبل اعتقاله رسالة مصورة بخصوص حالة والده :

أنا مخنوق وخايف على منعم ومش قادر أعمل حاجة , من فضلكم شاركوا بوضع اللافتات دي في مدوناتكم أو اعملوا لافتات تانية لأني مش بتاع تصميم ولا نيلة .

وشكراً بالمناسبة لجماعة الإخوان المُكَلّفين على موقفهم الرائع والمشرف من اعتصام الامس .

بانر أفقي إنجليزي :
 <a href="http://ana-ikhwan.blogspot.com">FREE Egyptian blogger Abd Al Moneim Mahmoud” /></a> 

بانر أفقي عربي :

 <a href="http://ana-ikhwan.blogspot.com"> /></a> 

بانر للشريط الجانبي إنجليزي :

 <a href="http://ana-ikhwan.blogspot.com">FREE Egyptian blogger Abd Al Moneim Mahmoud ” /></a> 

بانر للشريط الجانبي عربي :

 <a href="http://ana-ikhwan.blogspot.com">FREE Egyptian blogger Abd Al Moneim Mahmoud ” /></a> 

بانر رأسي كبير إنجليزي

 <a href="http://ana-ikhwan.blogspot.com"> /></a> 
بانر رأسي كبير عربي :

 <a href="http://ana-ikhwan.blogspot.com"> /></a> 

عاجل: مباحث أمن الدولة تطارد المدون عبد المنعم محمود ” أنا إخوان”

asad — Fri, 13 Apr 2007 02:32:06 +0000

داهمت مباحث أمن الدولة بالإسكندرية في وقت مبكر من صباح اليوم الجمعة منزل الصحفي والناشط بجماعة الإخوان المسلمين عبد المنعم محمود صاحب مدونة " أنا إخوان " ومراسل قناة "الحوار" البريطانية في مصر, إلا أنه لم يكن موجوداً في منزله ساعة المداهمة .

و تواصل مباحث أمن الدولة البحث عنه لاعتقاله على خلفية قيامه بدور إعلامي بارز في قضية معتقلي الإخوان المُحالين للمحاكم العسكرية , حيث يُعد عبد المنعم من أهم المدونين الإخوان ويقوم بتغطية متجددة للجوانب السياسية والإنسانية لقضية المعتقلين ويعمل كهمزة وصل بين الصحفيين و المراسلين الأجانب من جهة وجماعة الإخوان من جهة أخرى, فضلاً عن مشاركته في أعمال مؤتمر القاهرة الخامس وروايته لوقائع تعذيبه أثناء اشتغاله بالعمل الطلابي , وقام مؤخراً بتنظيم لقاء بين منظمة العفو الدولية وأبناء معتقلي الإخوان ؛ الأمر الذي أثار على مايبدو شهية النظام المصري للتنكيل به .

مزيد من التفاصيل في مدونة "إنسى" .

في الذكرى الـ19 : يا مصر قومي وشدي الحيل بس مقدرش أوعدك بحاجة

asad — Thu, 12 Apr 2007 21:50:51 +0000

في ظل هذا المنعطف التاريخي الخطير في حياة أمتنا وبالتوازي مع الأحوال الدولية والإقليمية الملتهبة , تحل علينا اليوم الجمعة الذكرى السنوية التاسعة عشرة لمولدي شخصياً , في الثالث عشر من أبريل عام 1988 .

ولدتُ قبل تسعة عشر عاماً وعشت وتعلمتُ داخل مصر وخارجها , والآن أدرس وأعمل وأدوّن وأشارك في المظاهرات وأسعى لقلب نظام الحكم, وأُنصح بحلاقة لحيتي حتى لا " ينفخوني" ! . عمرٌ كامل وحياة طويلة بدأت في الولاية الثانية للمدعو حسني مبارك الذي لا يزال يجثم على صدور اللي خلفونا حتى ساعة كتابة هذا البيان , بل إن مصريين آخرين وُلدوا قبلي بسنوات وتزوجوا وأنجبوا و هم الآن على أعتاب مرحلة الكهولة ولمّا يروا رئيساً غير المذكور أعلاه !!

السنة الجديدة بقى يا ولاد على الصعيد الشخصي أديني بنجح في الكلية – معرفش إزاي بس كتّر خير الدكاترة - وباشتغل في في بلاط المخفية اللي دايرة على حل شعرها اسمها إيه ؟

على الصعيد القومي بقى أحب أطمن اللواء أحمد ضياء الدين إن بعد اعتصام 16 مارس واعتصام ليلة 26 مارس سننظم اعتصام 36 مارس كجزء من طفرة جينية في تطور مرحلة ما بعد 30 فبراير , وبعد مظاهرة السفارة الإسرائيلية المُغتالة -المظاهرة لا السفارة – سأدعو إلى مظاهرة أمام (إسرائيل) شخصيا على الحدود ! وليه تروح السفارة لما ممكن تروح إسرائيل نفسها ؟!

وبعدين معاكي يا مصر في ليلتك السودة!? لسة ما كملتش تسعتاشر سنة , والرؤية بقت طشاش والأفق العام ضلمة والمستقبل مجهول ومنيل بنيلة ؟ بتعملي فينا كدة ليه ؟

معلش يعني أنا مش هعمل زي الجيل اللي فات اللي بعتوا عم أحمد والشيخ إمام يغنولك " يا مصر قومي وشدي الحيل .. كل اللي تتمنيه عندي" يعني عشموكِ بالحلق وخرمتي ودانك على الفاضي وخِلْيوا بيكِ في الآخر .

لمؤاخذة يا مصر أنا هجيبهالك م الآخر يا بنت الناس : يا مصر :

قومي وشدي الحيل .. بس مقدرش أوعدك بحاجة

الحرية لممدوح إسماعيل !

asad — Tue, 03 Apr 2007 22:14:26 +0000

الصورة لـ حسام الحملاوي

المحامي الإسلامي والناشط السياسي ممدوح إسماعيل وكيل مؤسسي حزب الشريعة اقتحمت ميليشيات مباحث امن الدولة الإرهابية مكتبه و اختطفته و اتهمته بتلقي تكليفات من أيمن الظواهري لإظهار نظام الحكم بمظهر الضعف !! و كتابة مقالات في الصحف تناهض ميادرة وقف العنف ( التي أعلنتها الجماعة الإسلامية في السجون تحت إشراف أمني مباشر وبتوجيهات السيد الرئيس ).

أما ممدوح إسماعيل الآخر الذي ألقى بألف مصري إلى أسماك القرش فلا زال ينعم بالرعاية المباركية السامية ومظبط نفسه 24 قيراط .
تقرير عن قضيته , وأما ممدوح إسماعيل فلا بواكي له ؟ و لا أسكت الله لكم صوتاً معاشر المدونين والحقوقيين و المدافعين عن حرية الرأي والتعبير !

وتحياتي إلى السيدة الفاضلة شاكيرا مبارك !

تحديث فاير فوكس وتحديث دستور مصر !

asad — Fri, 30 Mar 2007 04:11:15 +0000

استعنت ببعض النصوص من طي المتصل والصور من عزبة الحاج أبي جمال .